好期待呢套劇啊～
現年53歲的沈震軒（Sammy），近來正忙於拍攝ViuTV新劇《好人好姐》，與54歲的劉美君，大玩忘年戀。論年紀，兩人雖然相差接近廿年，但論外形卻幾合襯，相信Sammy都下過苦功。
由劉美君監製兼主演嘅ViuTv新劇《好人好姐》，劇中同Sammy發展忘年戀，聽聞仲有唔少親熱戲。（《東周刊》圖片）
據《東周刊》報道，Sammy日前到九龍仔公園附近為劇集拍外景。當時，他一身「老西」再戴眼鏡，扮老成持重，在拍一場只有他一個人的獨腳苦情戲。現場見他不時靠在車邊扮憂鬱，一時坐在車上扮憔悴，chok到不得了，不說還以為是在拍MV，而不是拍電視劇。
着住一身「老西」戴埋眼鏡嘅Sammy，挨住車門邊，chok晒咁扮憂鬱小生。（《東周刊》圖片）
坐入車廂繼續頭耷耷扮死狗，睇嚟劇中嘅Sammy，正為感情事而煩惱。（《東周刊》圖片）
全晚外景，Sammy投入喺憂鬱嘅角色入面，真係「唧」都唔笑。（《東周刊》圖片）
估計這場戲應該是講Sammy在為與劉美君「母子戀」的感情煩惱，他自己和自己做戲都能入戲，相信與「金馬影后」劉美君做對手戲時，必定更有火花！
更多娛樂消息，請看東周網：http://eastweek.my-magazine.me/main/entertainment
睇陳欣妍個樣明顯唔想生B喎！
由森美、馮盈盈、陳若思及倪嘉雯主持的全新問答遊戲節目《OneDegree家居保險呈獻：HOME即是識》，將於明晚年初三（12日）起、逢周一至三晚10點半翡翠台播映。《HOME即是識》是一個關於家居大小事的問答遊戲節目，透過問答遊戲及做實驗等不同方法教曉觀眾家居大小事，加上是次是森美及盈盈繼《學是學非》後再度合體大賣轉數，堪稱「家居版」《學是學非》。參賽者不論藝人或素人、只要擅長處理家中大小雜事就能參加，組隊爭奪高達港幣10萬元的獎金獎品！
陳若思（左起）、Patrick Sir、關宛珊、陳欣妍、沈震軒、馮盈盈、森美
陳若思（左起）、森美同馮盈盈擔任主持，森美大哥同盈盈再度合體，係咪好期待呢？
Patrick Sir兩公婆送你心心。
沈震軒同陳欣妍好合拍。
賽程方面，節目將率先進行6場初賽，每場初賽將有6隊同時進行比賽，分別為2隊藝人隊和4隊素人隊；每輪比賽分為三個環節進行，分別是選擇題、實驗題和搶答題，參賽者除了要搶答鬥高分，還要鬥搶「識HOME盲盒」，盲盒內容除了獎品，還會暗藏「開啟Bonus夾萬」鎖匙，每集能成功打開夾萬隊伍，將能贏取一萬元獎金Bonus！每場初賽獲得最高分隊伍將晉身決賽，換言之決賽共有6隊家居達人同時進行對決，爭奪終極獎金。
素人組合Shing＋Yanka
素人組合Patrick＋司琪
素人組合呀安 ＋姵如
素人組合黃生＋黃C拉
Patrick Sir同關宛珊一唱一和。
沈震軒自爆有強迫症，陳欣妍就負責挑戰佢底線。
明（12日）、後（13日）兩晚是第一輪初賽，藝人隊有Patrick Sir（林溥來） 和太太關宛珊、沈震軒和女友陳欣妍；素人隊則有黃生＋黃C拉、Shing＋Yanka、Patrick＋司琪和呀安＋姵如。行知識型路線的Patrick Sir甫出場即大拋書包：「屋企長期擺三樣嘢好緊要，梳打粉、白醋同埋檸檬 ，呢三樣嘢好神奇，通渠都得！」關宛珊亦唔執輸說：「檸檬擺雪櫃可以除臭。」住大屋的沈震軒則分享執屋心得，並自爆有強迫症：「我好似緝毒犬咁，見到邊度有嘢就會執，隻杯歪咗就會整番好。」陳欣妍則挑戰男友底線謂：「為咗滿足佢嘅完美主義，我會將啲杯由啱嘅位擺去唔啱嘅位！」
睇相就知有幾咁歡樂。
「識HOME盲盒」收埋好多獎品同埋隱藏鎖匙。
Patrick Sir話用檸檬汁可以清理血漬，搞到畀森美笑。
遊戲環節氣氛同樣熱鬧，其中一條問題「對付血、汗、油脂等污垢，應用哪種物品清潔較有效？」，有A小蘇打和B檸檬汁選擇，此時對檸檬情有獨鍾的Patrick Sir，再度大大力推廣檸檬汁好處：「用檸檬汁浸一晚就得！」到底Patrick Sir是聲大大冇貨賣、定係真係有料到？節目自有分曉！另邊廂，樣子甜美的陳欣妍玩遊戲時十分搶Fo，除了經常執雞成功，回答關於「事後丸（緊急避孕丸）」問題時亦表現搶韁。事緣森美還未問完整條問題，陳欣妍即撳燈搶答，森美見狀笑問：「你咁心急，你想生定唔想生呀？」陳欣妍聞言即害羞地擰頭，森美再轉向沈震軒說：「既然佢咁唔想生，你好好同佢傾吓喇！」更搞笑的是，錄影當日沈震軒父母剛好由加拿大返港、並身處錄影現場捧阿仔場，到底四人之後會否順道家庭會議？
睇陳欣妍個樣，明顯唔想生B喎！
森美叫沈震軒同陳欣妍要好好傾吓。
沈震軒父母有去現場睇錄影。
素人隊方面，要數黃生＋黃C拉、Shing＋Yanka這兩隊玩得最為搶Fo，霸氣外露的黃C拉瓣數多多，除了以前是一名老師外，還有地產牌照。Shing＋Yanka玩實驗題最為落力，除了極速以寶貼＋洗甲水完成清走塗改液任務外，在實驗題終極戰中，大大隻的Shing在雪櫃爭奪道具期間更以噸位撞開黃生，戰況激烈！最終首場初賽哪一組獲勝？密切留意《HOME即是識》。
大家都玩得好落力。
Shing（綠衫）一嘢撞開黃生（藍衫），玩得勁認真。
