*

upload_article_image

新舖開張忙到爆 嚴淑明懶理儀態赤腳開餐

幸苦了!

回歸香港發展的嚴淑明,繼早前投資診所後,日前又在尖沙咀投資保健中心。當日,身為老闆娘的她,穿著紅色套裝,加一對六吋高踭鞋,大方得體。

日前,嚴淑明盛裝咁出席自己嘅新店開張。(《東周刊》圖片)

據《東周刊》報道,嚴淑明要招呼記者,轉頭又要應酬各位賓客,非常忙碌。待記者會完結,她即「無電」,第一時間脫下高踭鞋,再撲到小食枱,狼吞虎嚥,懶理儀態。她直言:「我由今朝忙到依家,全日冇食嘢,好肚餓!至於對腳,着住咁耐高踭鞋,好攰,赤腳唞下先!」

一完活動,好肚餓嘅嚴淑明,即一手食嘢,一手拎住對高踭鞋,做老闆娘其實好唔容易。(《東周刊》圖片)

問到老友陳敏之沒有到場?嚴淑明指因為敏之當日在工作,但人無到禮想有到,除了送花籃又送了幾箱曲奇餅,非常有心。因此,她笑言一定會贊助敏之做保健,還有意兩姐妹做生意,「喺生意方面,佢係我軍師,好有生意頭腦、人緣又好。如果我哋一齊做生意,一定會好成功同happy!」

嚴淑明同陳敏之老友鬼鬼,仲成日行孖咇,大家會一齊慶祝生日同去旅行。(《東周刊》圖片)

當日,陳敏之因有工作在身,未能到場,但有送花籃同曲奇餅支持。(《東周刊》圖片)

更多娛樂消息,請看東周網:https://eastweek.my-magazine.me/main/entertainment