娛圈事
小方表示有想過學廚，為未來的另一半分擔家務。
方力申作客周家蔚主持的ViuTV飲食節目《友枱VIP》，小方自言不懂下廚，因自小媽媽就禁他入廚房，但算得上識飲識食，亦不要求未來伴侶需廚藝了得，「我食煎蛋加白飯已經好滿足。」並坦言有想過學廚，因可跟另一半分擔家務。
小方作客周家蔚的飲食節目。
提到曾志偉早前於日本發生車禍，小方謂志偉有以電話報平安，「佢無咩嘢，話自己好似俾人揼咗一身咁。」
方力申作客周家蔚主持的ViuTV飲食節目《友枱VIP》。
另外，周家蔚從小已愛入廚，就連揀伴侶都要跟她一樣嘴刁，若不愛吃辣吃牛就一定不會考慮，「第一次去天明（老公洪天明）嫲嫲家食飯，發覺大家口味都好接近，原來大家都是寧波人。」
家蔚指老公洪天明跟她一樣嘴刁。（網上圖片）
原來方力申係Big Boss張頴康嘅幕後代理人！
由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映。昨晚（19日）一集劇情有重大推進，原來冠峰（方力申飾）是失了憶的魏子樂（張頴康飾）幕後代理人兼狂熱粉絲，在暗網以Perses身份幫助子樂執行復仇計劃！
小方身份曝光，原來佢係Big Boss張頴康嘅幕後代理人！
兩人年輕時已經認識。
兩人年輕時已經認識。
冠峰與子樂年輕時早已認識，兩人透過 Online Game結為好友，冠峰與爸爸（黃子雄飾）住在荒島時，感到生活既苦悶又壓抑，後經思想極端的子樂洗腦、殺掉自己的「痛苦根源」—親生父親，並重獲自由返回城市，自此冠峰便將子樂奉若神明。後來受盡喪妻之痛的子樂，在暗網聯絡冠峰，要求冠峰代為執行報仇計劃；惟子樂後來腦部缺氧導致失憶，冠峰便借協助O記查案為名、近距離接觸子樂為實！另邊廂，電腦奇才天祖（高鈞賢飾）與女友Ana（馮盈盈飾）協助警方凍結Perses的資金鏈，成功阻止Perses執行恐襲。冠峰深感自責之際，發現外國研發了一種新藥可以加速修補大腦受損部位，遂希望以此藥喚醒子樂記憶……..
小方借協助警方為名，接觸張頴康為實。
張頴康「洗腦」搞到小方弒父。
形象正面的小方今次罕有飾演反派，演出令人眼前一亮；小方今次演出的難度位，在於要在「理性睿智」Mode和 「狂熱信徒」Mode之間不停切換。小方「理性睿智」Mode時表現冷靜沉實，但當切換成「狂熱信徒」Mode時，小方則會頃刻變得理性盡失兼躁狂。昨晚一場小方VS高鈞賢、馮盈盈的網絡大戰， 一拳難敵四手的小方節節敗退，期間激動得爆汗不特止，更谷到額頭青筋盡現，「瘋癲」指數爆標！
小方幫張頴康報仇係為咗報恩。
呢場電腦大戰，小方爆晒汗兼爆晒青筋，「癲」味勁濃。
與張頴康獲封螢幕CP
講到劇中真正身份終於揭盅，小方受訪時笑言：「依家觀眾唔使再估喇！劇中子樂係冠峰唯一嘅朋友，佢係幫我脫離爸爸魔掌嘅人，所以當正佢係恩人，我要報恩幫佢完成報仇大計。」小方坦言角色很有挑戰性：「最難係要諗點樣鋪排，始終唔想脫離角色性格太多，唔想做得太過火，又想有意外驚喜帶到畀觀眾。呢個角色平時嘅情緒係比較平淡、冷靜嘅，但因為成長背景搞到性格有啲缺憾，所以有時會失去理智，要選擇『跳掣』嘅時機係最難嘅。」講到與張頴康非常合拍，更被笑指是CP，小方說：「同佢合作得好開心，大家都希望每一場戲觀眾都睇得開心，我哋兩個都會有商有量去傾點樣做好啲，佢係一個相當專業嘅演員，希望將來可以再合作多啲！」
呢場電腦大戰，小方爆晒汗兼爆晒青筋，「癲」味勁濃。
小方發現咗新藥可以幫到張頴康，睇嚟二人之後同警方仲有一番龍爭虎鬥。
