叻哥謂以前只係睇世界盃賽事,未試過在當地過夜及遊覽。
叻哥陳百祥在剛過去的聖誕節首度跟太太黃杏秀到俄羅斯慶祝,原來此行得契女父母、帝國集團環球控股主席鄭丁港和太太楊素梅邀請,還有契女Anna(鄭詩詠)及親友同行。此行不但令叻哥大開眼界,認識了俄羅斯的文化及歷史,更對當地街道的聖誕燈飾歎為觀止!
網上圖片
其實這已非叻哥首次去俄羅斯,但之前主力去睇世界盃未有真正認識,不過今次參觀了不少博物館和古蹟,又安排了翻譯講解歷史,再加上街頭的浪漫聖誕燈飾和豐富美食,令叻哥這個聖誕節大開眼界又滿足。
網上圖片
叻哥謂年中去俄羅斯只為睇世界盃賽事,未有試過在當地過夜,「嗰時我哋同朋友喺法國租咗隻遊艇,有賽事先飛個幾鐘去睇,最多都去食個飯,所以對俄羅斯嘅認識只限機場同球場,連酒店都未有住過。」所以嚴格來說,今次聖誕行才是叻哥第一次遊覽俄羅斯。
網上圖片
此行叻哥在首都莫斯科和聖彼得堡共逗留了10天,他形容是個文化之旅,「港哥好好,安排咗我哋參觀咗好多博物館、古蹟又聽埋管弦樂表演,同行又有三個普通話好過我嘅翻譯,所以了解咗好多中俄之間嘅歷史,之前我哋去旅行,唔係去shopping就係去馬場,邊度咁有文化㗎!哈哈!」
資料圖片
叻哥話首次去俄羅斯過聖誕節,發覺相當有氣氛,特別欣賞街道的燈飾,「可能聖誕節對於東正教嚟講係大節日,佢哋真係好重視呢個節日,所以特別有氣氛。同埋唔知係咪嗰度天然氣同埋電只係香港十分之一價錢,所以佢哋喺街道啲燈飾幾公里咁長,真係好靚,我去過咁多地方都未見過咁靚嘅聖誕燈飾。」
呢一集主題係「橫財必勝法」,肥媽、鼎爺細數圈中擁有橫財運藝人!
肥媽公開叻哥賭馬必勝秘訣由肥媽、李家鼎(鼎爺)及游嘉欣(游游)擔任主持的全新飲食節目《尚品花膠專門店呈獻:肥媽李鼎打大佬》,逢周一至三晚10點半翡翠台播映。10日播出的第6集主題是「橫財必勝法」,肥媽、鼎爺細數圈中擁有橫財運藝人,談到「小龍女」陳玉蓮中過很多次六合彩,鼎爺說:「但佢做好多善事,呢啲叫行善積德。」鼎爺坦言自己沒有橫財運:「我中過兩次獎,第一次中咗一圍酒,拔蘭地都蝕埋,第二次就大吉利是,我媽媽啱啱行咗,點知中咗一打毛巾(有排喊的意思)!」入行多年的鼎爺又指覺得薛家燕很有運:「我做咗47年,有個人佢年年都有份抽到獎,佢就係薛家燕,不論大細佢都有嘅。」肥媽則指著名經理人陳淑芬和著名電影出品人向華強同樣有運,更見證過向生在賭城拉斯維加斯贏了一台名車。
呢一集主題係「橫財必勝法」。
「小龍女」陳玉蓮被指中過很多次六合彩。
鼎爺話自己冇咩橫財運。
肥媽目擊過向生贏咗一架名車。
爆張智霖打牌好運到離譜
後來講到打牌睇人品時,肥媽竟指不會跟張智霖打麻雀,但原因卻與其人品無關,肥媽笑言:「佢牌品好到一流,一開就天胡,再嚟就十三么,唔係就嚦咕嚦咕,我話你傻㗎!邊個同你打呀,(佢)好好運㗎!」三人再講到入馬場,游游笑言想正財橫財一樣掂,肥媽聞言笑說:「咁我帶你去馬場打個轉,帶你識叻哥(陳百祥),包你贏馬!」肥媽更大爆叻哥賭馬必勝秘訣!肥媽續笑指游游有嫁富二代條件,唯獨是要惡補腦袋,她說:「嫁入豪門都有個特徵,就係唔會亂咁講嘢。」至於鼎爺除了廚藝精湛,亦是圈中馬術高手;鼎爺坦言資深演員兼馬評人董驃是其偶像,即場炮製「可樂燜豬手」悼念驃叔的他,更分享了一段與驃叔相處的趣事。
肥媽講到明唔會同張智霖打牌,因為對方好運到離譜!
游游問肥媽有冇發財秘笈,肥媽話帶佢去馬場識叻哥,仲大爆叻哥賭馬必勝秘訣。
肥媽直指成日亂講嘢嘅游游,嫁入豪門有阻滯。
鼎爺雖然識得睇馬,但佢就冇賭馬嘅習慣。
富貴黃金帶子
財源滾滾炸蝦球
可樂燜豬手
聚寶四喜福袋