*

upload_article_image

曾與偉仔出合輯碟 吳岱融「登六」再出新EP

下一步就要開音樂會吧!

今年「登六」的吳岱融,入行35年有不少奇遇,80年代拍電視劇《絕代雙驕》、《邊城浪子》等劇爆紅,其後淡出電視圈10年拍過三級片,直至三年前憑《巨輪II》「高天鷲」一角人氣急升,全面收復電視台失地。料想不到早前為微電影《師徒》開金口獻唱主題曲《風大浪大》,老闆竟出錢給他同他出了EP,他笑說:「如果可以,我想同『小魚兒』偉仔(梁朝偉)重拾30年前情懷再出合輯唱片。」

望住新舊兩張唱片,吳岱融形容現階段出碟是享受過程零包袱。

國語歌《回去愛你十億秒》送給太太,老婆鍾淑慧做MV女主角,Sweet咀嘴。

吳岱融與影帝梁朝偉不只結過片緣,連唱歌都有淵源,曾於1989年同梁朝偉合體推出第一張國語碟《我心中有愛》。吳岱融憶述道:「因為當年電視劇《絕代雙驕》我做花無缺,佢做小魚兒,我哋兩個紅爆港、台兩地,所以首張國語碟喺台灣發行,隻碟我哋冇緣合唱同見面,只係將兩人歌曲合輯放埋一齊,佢唱情歌都好好聽,能否合作隨緣啦。」

當年吳岱融和梁朝偉在TVB劇集《絕代雙驕》中演花無缺及小魚兒,人氣好勁。

89年同梁朝偉出第一張國語合輯碟《我心中有愛》,大家都是「小鮮肉」。

影帝偉仔不願再開金口,問到吳岱融可會做說客?他大笑說:「你話叫就叫,就算劉嘉玲都叫唔到呀!我呢啲覺得唱吓歌冇乜所謂,唔怕醜先唱啫,我都明白偉仔嘅諗法,但我冇壓力,因為我冇負擔,只享受過程。好似國語冧歌《回去愛你十億秒》唱俾太太鍾淑慧聽,網上點擊率都好高;同10多年一班好友張兆輝、歐陽震華、陶大宇、郭政鴻等合唱講友情嘅國語歌《我的朋友不簡單》,一班老友聚埋,唱吓食吓更勝銷量;《師徒》主題曲《風大浪大》唱出逆境人生態度。」

手持新碟《風大浪大》的吳岱融說,對上一次唱歌,在25年前林敏驄為他創作的《傷心地掛念你》。

歐陽震華、郭政鴻、陶大宇、張兆輝、吳岱融、廖俊雄、鬼塚

吳岱融和老婆擁有21歲兒子Justin,平日好享受家庭樂。