*

upload_article_image

約長腿新歡食糖水冧爆 張致恆疑與演員女友玩完

Steven唔知幾時先會公告新戀情呢?

本報日前撞到34歲的BOYZ成員張致恆(Steven)約了個長腿圈外新歡去銅鑼灣食糖水。他們撐枱腳時,Steven表現甜絲絲,又擺出chok樣冧女,好似在 dating! 但去年初Steven 先貼出與舞台劇演員女友梁皓恩(April)的大頭照公開戀情,睇來段情不夠一年已秘密玩完,Steven現已另結新歡。

Steven當年與35E莊端兒拍拖時,不時甜蜜放閃。

張致恆曾同大佢他3年的35E導彈莊端兒(Xenia)蜜運,怎知15年被拍到背女「偷嗒」富貴台妹,知衰的Steven即宣佈與Xenia結束兩年情,並向女方公開道歉兼承認有性上癮須求醫。分手半年,Steven去年3月在社交平台po貼頭相留言:「不再讓憾事循環。」大頭相是新女友梁皓恩(April)合照,自爆新戀情。

17年3月,Steven喺社交網上載與新女友舞台劇演員梁皓恩嘅合照,公告戀情。

不過,Steven和April的戀情疑似秘密玩完。日前下午3時,戴帽Steven現身銅鑼灣希慎廣場門口等人。未幾,一位穿短褲晒長腿的馬尾女前來會合。二人相隔成個身位邊走邊傾聊去鵝頸橋方向吃糖水。甫坐下,Steven就開turbo猛撩女友人,還不時擺出chok樣溝女。見對方好受落,吃著糖水的Steven個樣超冧呀!速食半小時,馬尾女似要趕回附近返工,Steven送對方到時代廣場後就失落搭港鐵離開。

梁皓恩曾po泳衣照,身材不俗。

Steven密會長腿新歡,行街時怕被人認出,保持少少距離。

入到店內,Steven出招溝女。

睇吓Steven個樣超冧,甜過碗糖水呀!