婚紗店主:一日未幫襯都唔算係客!

設計圖片

設計圖片

任職服務業遇上麻煩客人屬於經常事,但有婚紗店店主就不向態度惡劣的野蠻客人妥協,寧願損失一名客人,都不為「五斗米折腰」。

野蠻客要求營業時間外上門。西客之道 HIspitality Secret截圖

野蠻客要求營業時間外上門。西客之道 HIspitality Secret截圖

有婚紗店店主在facebook「西客之道 HIspitality Secret」投稿,分享遇上麻煩女客人的經歷。投稿人指,為遷就客人放工後到店參觀,將營業時間設於下午3時,關門時間就無下限。她表示,雖然已在網頁和facebook上列明營業時間,但不時仍會在營業時間前收到客人致電查詢。

投稿人續指,有一次遇到一個非常野蠻的女客人,對方下午一時半左右致電,甫開口即問:「喂你仲乜聽電話但又無開門?」投稿人禮貌解釋店鋪的營業時間是下午3時,但對方卻指自己已到達店鋪樓下,「你聽到電話就開門啦,我而家喺你鋪頭樓下上嚟睇衫。」投稿人再次向對方解釋,指店鋪電話有「飛線」功能,自己才能接聽電話。但對方竟然堅持店鋪內有人上班,又稱聽到投稿人與自己對話,「你玩呀?飛咩線,明明我而家喺門口聽到你哋入面有人,仲聽到你同我講緊電話添。」

設計圖片

設計圖片

不過投稿人質疑對方是否真的到達店鋪門口,因為店鋪所在的大廈的訊號較弱,無論用甚麼電訊公司都很難不會斷線。投稿人只好表示自己正坐車回店鋪,但對方直斥「你唔喺鋪度又會聽到電話嘅?你玩我?我咪上網寫衰你囉。」、「飛線?我打你鋪頭電話㗎,唔係手機,邊度有飛線㗎,唔想做我生意咪講囉。」

當投稿人向對方表明在營業時間外上門後需要最少要兩日前預約後,對方竟然「爆粗」回應,「你咁X唔願做就咪X開鋪啦,開得咁X晏又玩X啲客,我明明聽到你喺鋪頭入面都唔開門,怕我打劫定強姦你呀,成棟樓咁多婚紗鋪,你咁X樣做生意就聽(等)執笠啦。」投稿人終於忍不住,反駁:「你一日未幫襯我都唔算係我個客,所以我同你關係係對等嘅」,她又直指對方的態度惡劣,「好老實你就算俾錢我使我都唔做,我費事收你嗰少少錢就成班同事俾你當阿四嚟使」。投稿人指自己已經開店8年,都沒有出現過甚麼問題,著對方若不滿意可另找婚紗店,最後更掛斷電話。

不少網民留言讚店主的行為有霸氣,有人就笑言對方態度差,店主應該祝福對方作回擊,「 我仲諗住會祝福佢下次結婚俾個95折」。