*

校巴車禍學童驚慌哭泣 消防員安撫︰你哋好叻喎

真英雄~

秀茂坪上周五發生校巴相撞意外,27人受傷,包括25名幼稚園學童、1名司機,和1名保母受傷。受傷的學童坐於現場路旁接受檢查和治理。

消防員先後安撫遇車禍學童。網上圖片

Facebook流傳片段所見,學童車禍後驚魂未定,現場哭閙聲四起,一名4歲小女孩因受驚大哭,消防員見狀就安撫女童,溫柔地安慰作為大姐姐要勇敢,照顧年幼的同學仔。

消防員就問:「你幾多歲呀?4歲好叻喎!呢位小朋友3歲咋,你可唔可以幫我照顧佢先,可唔可以啊?你幫我照顧佢好無?你哋拖住手仔得唔得先?……拖實手仔,小朋友好勇敢,大家都好叻!」

消防員先後安撫遇車禍學童。網上圖片

消防員又小女孩問歲數,方便排好隊分批等候救援。消防員又鼓勵大姐姐照顧小妹妹,「呢位小朋友2歲半最細,你哋可以一齊照顧小妹妹嗎?」最後一眾女童都平復心情,手拖手坐在地面等候救護車到場。

消防員先後安撫遇車禍學童。網上圖片

網民就大讚消防員對住一眾小朋友相當有耐心,「真係嚇親啲小朋友,消防員好有愛」,「全場聽到後面好多把消防員嘅男人聲努力氹緊啲小朋友」,「真英雄唔要衝入火場…讃」,「當我對周遭環境感到絕望時,就係呢類新聞令我再次感到香港真好」.

消防員先後安撫遇車禍學童。網上圖片

事發於下午約1時許,兩車接載幼稚園學生放學時,分別沿秀明道左二線往曉光街方向行駛,當駛至秀明道觀塘官立小學對開燈位時,前車因應交通燈號停下,但後車疑收掣不及,導致兩車相撞。前車的車尾被撞凹,而後車車頭亦被撞毀。