冀再獲邀合作 張智霖對家燕姐動「情」

Chilam記得要黐實家燕姐啦！

張智霖（Chilam）和薛家燕以宣傳大使身份，到灣仔智能身份證換領中心宣傳。獲頒感謝狀時，家燕姐自爆阿仔石耀庭是第一批換領智能身份證人士，更表示可以帶同她一起換領。不過她近日好忙，皆因拍攝節目《新春開運王》。

張智霖和薛家燕到灣仔智能身份證換領中心宣傳。

Chilam表示要黐實家燕姐，因為之前為家燕姐的演唱會任嘉賓好有化學作用，更被廣告商睇中邀請跟家燕姐合作做代言人，笑言好心有好報。家燕姐說：「廣告商睇完覺得好親切、真實，好精彩。」在旁的Chilam即謂：「家燕姐真係帶挈我，再合作梗係好啦！我諗要送返份禮物畀佢。」

薛家燕與張智霖以宣傳大使身份為智能身份證換領中心宣傳。資料圖片

家燕姐又大讚Chilam對她真是很好，試過親自送她入院，開個唱時對方又二話不說應承任嘉賓。Chilam聞言即說：「呢個情係真，係真情。」家燕姐認為跟Chilam合作好開心，對方為人好真，工作勤力又認真，希望對方紅到光芒四射，可以叨光。

東星圖片

問到兩人可會想演情侶？家燕姐笑言要問過袁詠儀（靚靚）先，但Chilam搞笑謂，看新聞指家燕姐好多男友，這麽多對手不容易，「真係嚟真？親情？時常有親情，由心感動。」談到太太袁詠儀身形清減不少，Chilam表示太太現正拍攝真人騷及一部電影，自己則減產工作，現在跟家燕姐一齊，賺錢交由太太。

網上圖片

問到可覺太太身形夠fit？Chilam說：「可以有進步空間，可以再fit啲！（你會有壓力？）難度覺得我唔夠fit？不過開演唱會時有六舊腹肌，都覺得自己過瘦，但純天然無添加。」談到農歷年，他表示現在要跟家燕姐提早拜年，因為一家人將到日本首次滑雪。

網上圖片

57歲仲係21吋腰。

葉子楣(Amy) 今日(20日)接受新城《開心大派對》主持薛家燕、思敏及范振鋒訪問，家燕姐問到Amy當年是否墮入愛河受到男友反對而毅然引退？Amy坦言：「男人係咁自私，而且當年最高峰連拍13部戲，都想俾自己休息一下，試過一日趕幾組戲，冇得瞓覺。」阿范即笑言好羡慕拍戲拍到冇得瞓。

葉子楣（Amy）昨日(20日)接受新城《開心大派對》主持薛家燕、思敏及范振鋒訪問。

葉子楣指當年最高峰連拍13部戲，都想俾自己休息一下，試過一日趕幾組戲，冇得瞓覺！

當年墮入愛河而毅然引退！

家燕姐則讚Amy天生尤物，依然保持21吋腰，並問秘訣？Amy即大方公開保持身材秘方：「唔好食煎炸及鹹嘢，如果戒埋甜品仲瘦，甜品對皮膚唔好，不過我好鍾意食甜，會食少少，同埋一定要運動，食物7分，運動３分。」

葉子楣大方公開保持身材秘方。

話唔好食煎炸及鹹嘢，仲要戒埋甜品！

家燕姐好羨慕葉子楣身材。

Amy並謂當年退出好享受不用化妝、影相，又可以慢活，但復出後再重見大家，又覺得好開心，對於她復出後網民評語，她表示無論如何都會有批評或讚賞，但她不會理會，並有一套應付惡意批評的方法，就是要消化惡意批評。不過阿范就安撫她大部份留言都是支持Amy。

家燕姐再談到Amy當年曾做歌手出唱片，Amy即謂當年不單止在香港出唱片，更到台灣發展推出唱片，更在台灣演出過百場音樂會，她有點歎謂：「但認識醫生男友之後，佢唔俾我，之後推咗好多。」家燕姐問她是否愛情至上的人？Amy即說：「做人唔好向後望，應向前望，會更加好，單身咗咁多年，已經習慣咗，桃花就多，真正姻緣好難搵到，條件最緊要眼緣及鍚自己。」

葉子楣指做人要向前望。

家燕姐再談到Amy當年性感女星形象相當成功，堅守不露點，Amy即說：「當年走性感路線完全係順其自然，講明不應酬、不食飯，就算去台灣發展，簽合約，也寫明性感不露點，不食應酬飯。」

葉子楣當年堅持不露點！