生曬雞翼，小編都係第一次見。
雞翼
不少人會趁天氣凍自家生曬臘味，但未必人人都能接受。粉嶺華明邨有住戶在facebook抱怨，樓上單位住客已經常曬臘味，今日更「生曬雞翼」，而且「仲滴緊油」，怒斥「究竟知唔知會影響到樓下架」，但無奈向管理處投訴後終不了了之。不少網民都對生曬雞翼感驚訝，「曬臘味我理解，但曬雞翼係咩玩法」，建議樓主「剪返幾隻嚟煎啦」。
fb群組「Fanling 粉嶺」
有網民在facebook群組「Fanling 粉嶺」發帖，稱「華明邨禮明樓某單位超級鍾意曬臘味！今次仲天然生曬雞翼！佢究竟知唔知，會影響到樓下架啦！投訴無門！！！」帖文附有的照片所見，樓上單位在窗外吊起一串雞翼。
fb群組「Fanling 粉嶺」
帖文掀起熱議，有網民直言第一次見曬雞翼，「雞翼都有得曬」、「曬雞翼咩玩法，第一次見」；另有人建議「拎支火槍幫佢燒熟佢」，又提議用鉸剪剪走雞翼，但樓主留言回覆「我都想呀， 但係高得滯， 依家仲滴緊油」，並指已經向管理處投訴，但稱涉事住客不在家便不了了之。有網民認為樓主要盡快聯絡有關部門處理，「條繩唔實就跌落街，一陣有人被雞翼扑中個頭咁點算呀？」
fb群組「Fanling 粉嶺」