拍旅遊節目無視警告照摸旅行箱吳若希：我認我係港女

娛圈事

拍旅遊節目無視警告照摸旅行箱吳若希：我認我係港女

2019年01月22日 20:07 最後更新：01月23日 01:01

港女即係咩？

杜如風、吳若希（Jinny）拍攝賀歲節目，對於Jinny在日本旅遊節目中無視禁令摸限量版，被網友數爆「港女三宗罪」，身為「日本達人」的杜如風說：「不要摸店家的東西，直接給錢買就行了，買完點摸都得啦！」當Jinny自爆摸過的限量版行李箱價值過百萬港元時，如風即笑說：「咁你有排撈！」

Jinny解釋跟足公司指引拍攝：「我認我是港女，但港女即係咩？我相信在節目上是可以觸摸物品，但私下旅行當然不敢亂摸。」她笑問公司為何不贊助她喪買？大感委屈，又自爆不怕碌爆卡，皆因卡數一直由老公代找。

往下看更多文章

吳若希與老公肉緊啜囡囡面珠慶7歲生日激罕公開Giselle正面樣

2024年04月24日 20:00 最後更新：20:14

Giselle與媽媽如餅印一樣

31歲吳若希（Jinny）於2017年與何兆鴻（Alex）結婚，並育有一女一子，Jinny亦都經常會在社交平台分享一家四口的相片，但一直將女兒Giselle（淼淼）保護得好好，幾乎沒有公開過她的正面樣。4月23日是Giselle的7歲生日，Jinnypo相為她慶生的同時，終於公開女兒相貌，與媽媽如餅印一樣！

近日Jinny在社交平台貼出慶祝女兒生日相片，她和老公一如以往左右夾擊啜囡囡面珠，並留言：「我真係唔知可以再啜到去幾多歲，今年已經啜到好似要打交咁。」激罕曝光Giselle正面，與媽咪吳若希如餅印一樣，Jinny寄語囡囡：「諗咗好耐應該同你講咩，喺你小時候，對你可能有好多期望，希望你開心，希望你快樂，希望你善良，希望你勇敢。但係漸漸地發現，我希望你做到嘅嘢，你全部都做到，有好多我唔expect你會做到嘅嘢，你都做到！睇住你慢慢進步，做媽咪嘅真係好安慰。」Jinny感歎時間過得很快，轉眼間，女兒已經七歲，「開始慢慢接觸外邊的世界，有自己嘅圈子同埋自己嘅諗法，媽媽會繼續做你嘅好朋友，隨時準備好耳仔，聽你分享你嘅生活同心情，媽媽愛你！」網民亦留言大讚：「家姐似足mama你大眼睛咁靚女」、「家姐好靚女，未來香港小姐，又遺傳媽咪咁高。」