*

upload_article_image

中大生感慨寫警世長文:入數學系悔終身

中大數學系真的這麼絕望?

數學一直存在於我們生活四周,甚麼東西都「有得計」,以及有背後的藏著的真理。然而數學雖然日常,卻非常複雜,有中大數學系同學仔在社交媒體專頁「CUHK Secrets」發文,希望靠警世文勸退所有想入數學系的同學仔,指數學系毫不簡單兼消磨鬥志:「是但一科更稱心。」

網上圖片

「入得數學系既,大家都係想探索自然之美,想讀 PhD/做教授/做數學家,絕對唔係想4年之後出黎有份好工返。」這名同學從中學經歷開始說起:「『我會係最掂嗰個』,讀緊中五既你,覺得 M2啲Integration好易既你咁諗,『我要學Complex Analysis,解決Riemann Hypothesis』!」

設計圖片

「入到嚟,你發覺 Prof 教書比中學快10倍、100倍,教科書由一堆數字慢慢變左一堆字海、鬼畫符。你以為上左大學可以專心研究數學,原來除左major仲有一大堆fac pack/u core等緊你。」同學續指:「第一個sem grade出了,你有一堆b range,離first hon既3.8,3.9仲有好大距離。」

網上圖片

接著,這名同學又談到大學二年級,課程仍舊困難:「year 2既第一個sem你讀左2050,MATH2050 Introduction to Analysis I係一科好多人fail既科,你好比心機讀,但係你仲係唔係好明上堂講既野。你望住份final腦海一片空白,將一堆考前背既proof填左落答題簿,拎左個C range,原來一分耕耘唔imply一分收獲。」

網上圖片

這名同學繼續講出往後三年級及四年級的學習經歷,仕途仍舊慘淡,開始生白髮,甚至乎黑髮愈見稀薄,身邊人有情緒病等。第四年就是畢業年,但因為學科甚少女生,而自己不懂打扮又不懂向人求助,希望數學系能協助找工作,其後發現原來沒有用,因為學系只能幫最優秀的人。「回望呢四年,只有無限既辛酸同後悔,起初既雄心壯志,早已灰飛煙滅,一切都已經太遲。」

網上圖片

帖文引來10個分享以及235個讚好,當中有45人給予「喊樣」,而留言中又有不少人表示有同感,「嗱又中,數學系po冇好」、「very sad but true,math department真係離晒地,搞到個個都揀multi乜春stream嚟保命,愈嚟愈少人take MATH字頭嘅course」、「回頭是岸啊」、「得3.3係咪可以third hon QAQ」。