經理人花姐不准MIRROR中5位未考駕駛執照的成員再考電單車牌。
本地男團MIRROR全體12位成員出席「香港電動方程式大賽」宣傳活動，吸引了大班粉絲到場追星，MIRROR即場演唱一曲及參與模擬賽車遊戲，最終由沒有車牌的Jer勝出。成員中仍有5位未考獲駕駛執照，之前有成員想報考電單車牌，卻被經理人花姐落閘不准他們考電單車牌，Stanley笑言：「係可以考，不過即被花姐解約！」是怕他們傷到俊臉？花姐稱只怕他們貪玩又貪快而已。
姜濤最受歡迎，經理人不讓任何女生埋他身。
姜濤早前被拍得送網紅Anjan出街同遊時有親暱舉動，被爆緋聞後，有指姜濤即取消追隨對方的instagram（ig）？姜濤否認說：「原本之前也沒有Follow，所以不存在Unfollow這事，之前送她搭車也跟她不太熟。（以後關注ig名單會小心點？） 之前沒有留意這事，沒想過這些事情會影響到那麼多人和身邊的人。」問到可會刪減關注女生？在旁的花姐即說：「讓我來！」至於怕不怕花姐篩走所有女生？姜濤即刻驚青望向經理人說：「不會啩！」
姜濤最受歡迎，經理人不讓任何女生埋他身。
姜濤最受歡迎，經理人不讓任何女生埋他身。
12子坦誠公開自己的戀愛狀況。
現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。
MIRROR接受CNN訪問。
MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。
大爆戀愛狀況！
其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」
MIRROR亦分享了工作以外的生活。
除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」
姜濤與Anson Lo期望跟Taylor Swift合作。
在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」
