*

橫店撲六位數搞抽獎 佘詩曼嘆新年無得休息

阿佘好靚呀!

佘詩曼(阿佘)、菊梓喬(Hana)及玄學大師李丞責今日(7日)現身沙田馬場出席大年初三《農曆新年賽馬日》開幕典禮,身穿紅色露膊look現身的阿佘,相當有新年氣氛,而且與馬迷玩遊戲,現場十分熱鬧。

資料圖片

阿佘透露大年初一晚從橫店返港出席今次活動,所以未有時間跟朋友玩賭局,農曆新年通常在家玩魚蝦蟹,自己做莊家居多,又笑言想中三T,希望大家可以發新年財。她說:「我在橫店跟黃曉明拍攝新劇,年夜飯跟劇組一起吃,當晚有600多人一齊,第一次這多人食年夜飯,突然話要搞抽獎,我去匀橫店所有櫃員機都冇晒錢,搞到要撲水,最後問劇組人員借,借了6位數,都好開心。」

資料圖片

阿佘表示明日會離開香港返橫店拍劇,不過這兩天已跟家人吃飯。談到家人可有催她快些有桃花運?阿佘笑說:「乜得嘅咩?(可有被親戚催促拍拖? )今年冇去拜年,好曳!但他們理解,明年先啦!我都冇得休息,可能要拍到三、四月先再返香港,今年上半年重心在內地,下半年就唔知。」

對於新年展望,阿佘表示最緊要身體健康,因為有健康身體才可以繼續工作,今年亦預了六位數字派利是。問到是否賺好多?她笑言開開心心,當笑她是否豬籠入水,她鬼馬謂「OK豬」啦!

至於有份入到場的王晶,他說:「今日我冇馬出賽,初六先買我隻馬啦!」

佘詩曼(中)。資料圖片

佘詩曼(右)。資料圖片