社會事
假日司機好危險！
是日初三赤口傳統上不宜拜年，但駕車外遊似乎也不適宜，因有不熟路況的「假日司機」出沒，引起諸多交通事故。有網民今日在紅磡拍到一輛白色私家車竟在燈位逆線停下，還笑稱「隨時起步」，與旁邊正確停下的私家車像要開始賽車。
白色私家車停了半分鐘才知道自己正逆線。影片截圖
據片段所示，一輛白色私家車逆線在紅磡船澳街及德民街路口燈位前停下，與旁邊的黑色私家車並頭。拍片者鬼馬聲演：「車手已經準備好，隨時可以起步啦。」還大喊：「係新年啊！」暗示「假日司機」駕駛意識不足。
拍片者繼續肉緊直擊，一輛白色七人車駛至，惟白色私家車歷時約半分鐘仍沒有反應，似乎未知自己正逆線停車。拍片者大讚七人車「好好呀，褪畀佢，但係呠極佢都冇反應」，語音未落之際涉事私家車亦隨即「有反應」。而燈號也同時轉綠，私家車終算「迷途知返」，橫跨左右兩條地線向前駛去。
網民嘲笑逆線司機稱：「地標？地線？咩嚟㗎？考牌師父無教喎」；「見佢入後波果下心都寒埋」；「1823啦仲等，唔好俾佢再出來害人啦！」也有人表示「讚係畀讓位個位司機，誰人都有機會犯錯，等睇人撞個啲人心地咁差唔適合駕駛」。
港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。
示意圖片
女會計師連續工作68小時，過勞暈倒送院
該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。
示意圖片
弟弟爆料姐姐瘋狂行徑
樓主又懷疑姐姐因工作關係，而患上思覺失調，指對方精神失常，經常做出種種瘋狂行為：
「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」
「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」
「有次佢腸胃炎，佢直接搬張枱同電腦，去廁所一邊屙屎一邊做嘢」
示意圖片
弟弟警世：唔好做會計
樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」
示意圖片
網民勸：辭工休息吓，再轉行
帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。
示意圖片
帖文來源：連登討論區
