心心真可愛!
農曆新年是不少小朋友其中一個最喜愛的節日,除了有假放外,還可以逗利是。關心妍日前帶囡囡向許廷鏗逗過利是後,今日(8日)再社交網站上載囡囡與新婚夫婦陸漢洋同苟芸慧拜年的合照。
關心妍日前在社交網站上載一段囡囡向許廷鏗拜年逗利是的影片,表示囡囡好怕羞,其後許廷鏗亦在社交網站上載一張與關心妍和其囡囡的合照,留言說:「第一張再見智慧齒利是封得主誕生!咁得意, 我唔捨得唔俾佢啊!」
今日,關心妍就上載一張一家三口與新婚夫婦陸漢洋同苟芸慧的大合照,留言說:「第一次逗契爺契媽大利是,還可以首次吃新年下午茶,大滿足」。苟芸慧就留言大讚關心妍囡囡:「So cute 愈大愈靚。」
許廷鏗表示當實體唱片是自己的卡片。
許廷鏗(Alfred)日前舉辦新歌試聽會及簽名會,由中午2點簽到晚上九時,Fans沿途各站上車見偶像,Alfred簽名都簽到手軟:「電車做新歌試聽會及簽名會,我之前好忍手唔幫Fans簽名,因為想等到今日先簽名,可以喺電車度同大家傾吓計,我同歌迷之間似朋友多啲,佢地已經唔會簽叫,所以呢日都會以親民為主。」
Alfred日前在電車舉辦新歌試聽會及簽名會。
Alfred新歌《多多指教》推出在即,亦宣布即將海外宣傳:「廣東話有時頗限制,但如果令其他地方了解多啲廣東話,呢個講法有啲偉大,但最想自己嘅音樂去到唔同嘅地方。」呢日雖然舉行「簽名會」,但中途發生「哈碌」情況:「我本來準備咗十幾枝簽名筆,不過呢一刻應該仲喺我張床度!簽名會唔記得帶筆真係癲咗線,好彩我有個美麗嘅Fans借咗枝筆比我,應該都頂到兩站嘅,不過都叫同事幫手去撲筆。」
Alfred宣布即將海外宣傳新歌。
Alfred笑言自己與Fans沒距離,仲話自己不時「周圍去」,希望與大家貼近:「希望用自己嘅影響力比其他人聽到,所以好多時作品源自Fans嘅DM,成為創作嘅養份。而出碟係因為自己『老餅』、『老派』,想要有實物喺手,我都當唱片係自己嘅卡片,不過張卡片嘅製作費好貴,只要有人買同想我簽名,所以都會製作。」佢就話同贊助品牌熟絡,碰巧對方電車有空檔,Alfred即時借用舉行互動簽名會,仲話有機會巡唱,叫歌迷跟住一齊出Trip。
Alfred笑言自己與Fans沒距離。
雖然實體碟製作費好貴,但Alfred指只要有人買同要他簽名,他都會製作。