Skip to Content Facebook Feature Image

港媽搭飛機不滿孩子被旅客投訴 竟腳頂椅背被後座大叔一招KO

社會事

港媽搭飛機不滿孩子被旅客投訴  竟腳頂椅背被後座大叔一招KO
社會事

社會事

港媽搭飛機不滿孩子被旅客投訴 竟腳頂椅背被後座大叔一招KO

2019年02月09日 16:20 最後更新:16:26

太野蠻了......

搭飛機或許最怕遇到「百厭星」大聲喧嘩、踢前座椅背,有空中少爺在facebook分享,遇到一家四口港人搭長途機時,小朋友被多位乘客投訴,機組人員向其母親反映後,對方稱「小朋友咋嘛」。其後該港媽亦投訴後座大叔腳頂椅背,惟大叔即指「我喺我老母心目中都係小朋友,呀姑你包容下啦」,結果港媽與兩小朋友在航程上都未有再吵鬧。網民都大讚「阿叔好波」,亦有人指「最可怕不是小孩,係港媽港爸及港女」。

設計圖片

設計圖片

facebook專頁「豆腐空少的飛行日記」昨晚上載的帖文指,該一家四口港人上機後,兩個小朋友都坐不定,一時大叫一時走到走廊玩,父母都沒有反應,但已引起附近的乘客不滿。機組人員先向小朋友的媽媽表示,「唔好意思啊太太,介唔介意叫小朋友唔好跑呢,因為怕我哋做嘢撞到佢哋啊!」港媽聞言即語帶不屑,向小朋友說:「人哋鬧啦!仲坐唔好?」

後來小朋友的前座女乘客投訴,指小朋友踩其椅背,結果版主向港媽反映,會影響其他乘客休息時,港媽反擊:「小朋友玩下咋嘛,洗唔洗投訴啫!你哋對小朋友都冇愛心嘅」。空少向港媽指前後排已有5名旅客投訴後,港媽再謂:「小朋友咋嘛」。

有空少指遇過有小朋友踩前座椅背,惹來投訴,但小朋友母親則認為是其他人沒有愛心。網圖

有空少指遇過有小朋友踩前座椅背,惹來投訴,但小朋友母親則認為是其他人沒有愛心。網圖

事隔一會到港媽投訴,稱其後排大叔用同樣方法頂其椅背,結果大叔表示,「我喺我老母心目中都係小朋友,呀姑你包容下啦」。空少聞言即暗地大讚大叔好堅,「佢老母80幾歲人坐喺佢隔離,呀叔真係小朋友喎」。空少又指,隨後8小時航程上,「嗰兩個細路靜哂,個老母靜哂,而個老豆......全程好似唔識三仔乸咁樣,睇左N套戲」,認為「唔好以為大媽先會講啲咁嘅說話,香港的媽媽都會」。

設計圖片

設計圖片

帖文在網上掀起熱議,有網民直言「我哋喺父母心目中 永遠都係小朋友」,「阿叔嗰個真係好辦法」、「對付大媽就要出動大叔,一物降一物」、「呢位阿叔無懈可擊呀實在,完美抽擊呢位香港老母」,「以其人之道還以其人之身,嗰啲人針唔拮到肉唔知痛,惹人討厭」。另有網民認為,「其實就係啲大人冇家教影響下一代,小朋友白紙一張,只怪啲自私父母」。

設計圖片

設計圖片

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章