麥明詩話，返港後最想食刺身。
麥明詩花了整整26日，用雙腳跨越5個國家，完成了夢想「踩單車去柬埔寨」善舉，並於今午隻身回港，其父母麥卓生及何小娟到來接機，簡單擁抱卻令人相當動容。
麥明詩總括整個旅程非常好開心，很高興完成個人夢想，感激整個團隊的努力亦感激公司的全力配合。問到那方面最不似預期？她提到是天氣，說：「我一路都計算距離，估唔到天氣係最大嘅困難，去到泰國、老撾、柬埔寨氣溫有36、37度，件衫好焗但又怕曬傷，所以流好多汗，令到我全身皮膚敏感。」
麥明詩返港父母接機開心擁抱。
資料圖片
由於途中發生兩次較嚴重的翻車意外，第一次休息了約6日，第二次兩邊肩膊都破皮。她笑說：「我哥哥係呢方面專家，睇吓之後點處理疤痕。」可有想放棄？她坦言所有傷勢都未能說服到放棄。
問到有甚麼跟父母說？麥明詩即時哽咽，冷靜過後，說：「爸爸每日都網上發文，媽咪亦非常支持。」她突然提到團隊有意每年都舉辦此善舉，媽媽即說：「我話唔准踩啊！」爸爸說：「踩短啲，踩兩日！」至於回港後最想做甚麼？她笑說：「我好想食生冷嘢，即係刺身果啲，因為26日我都唔敢食生冷嘢！係唔係好港女？一返嚟就要食日本嘢。」
資料圖片
資料圖片
