睇女司機個look都知霸氣......
香港車多泊位少，爭泊位情況時有發生。網上瘋傳車Cam片段，一名司機倒車泊位之際，後方一名駕駛着電動私家車的女司機突加速駛至，成功「截糊」。但女司機疑因未能完全將車泊好，落車與前車司機對質，聲稱「等咗嗰個位好耐 」。網民都幾乎一面倒轟女司機「好無車品」，但亦有網民指事主技不如人。
女司機加速搶位。影片截圖
有網民前日（13日）將影片上傳至fb群組「馬路的事討論區」，斥片中女司機「無恥便無敵」。片中所見，事主駕駛私家車至油麻地碧街時，發現一個咪錶車位，準備倒後泊車之際，一輛才剛從街口轉入的紅色電動車突然從後加速「截糊」，打斜停在車位內，搶位成功。
影片截圖
事主在片中未有移前讓步，但電動車上的女司機疑因未能將車正常泊在車位內，遂落車走到前車位置。片段沒有音效，但有目擊事件網民留言指，電動車「夾硬塞落去」，女司機事後「大大聲同寶馬司機講話佢等咗嗰個位好耐 ，但係佢砵蘭街等緊」。約半分鐘後，女司機返回車上。片中未有交代事件結局，但可見有其他車輛從後駛至。
女司機從後加速搶奪泊位，但疑因未能完全將車泊好，遂落車與前車司機對質。影片截圖
不少網民替事主不值，齊齊聲討女司機，「離晒譜」、「好無車品囉呢啲人」、「安全帶又唔扣，衰到都唔識點形容」，並建議事主1823舉報；有網民更將女司機起底，指她素有前科。有司機則慨嘆，「而家越嚟越難泊車，好多人一見到錶位就衝埋去，成日見人為個錶位嘈交」，另有網民認為事主也有責任，「應該頭入再扭出一半多車位，之後尾入泊正。咁咪乜事都無囉」、「下次泊車爽手啲，同呢啲司機嘈都係晒氣」。
有目擊者指女司機事後「大大聲同寶馬司機講話佢等咗嗰個位好耐。網上圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
