*

upload_article_image

學生分享IELTS說話考9分方法 全靠家姐超常規教育法

各位學生不妨一試,打好英文根基。

文科對於不少學生來說是個惡夢,特別是在中學文憑考試,中文及英文兩項必修科往往是最難得分的科目。然而練習英文有不同的妙法,有學生就分享他在國際英語測試系統(IELTS)說話中考得最高分的9分的方法,靠的竟然是家姐的「恐怖」教育法。

網上圖片

「見到有人寫恐怖家姐。我屋企都有個大我七年嘅恐怖家姐,明明佢以前讀屋村英中,但唔知做咩佢英文可以講到native speaker咁,以前連NET teacher都問佢係咪外國返黎。」網民於社交平台專頁「名校Secrets」分享這件趣事之餘,也大談自己如何成為第二個「家姐」,英文變得流暢。

「長話短說,家姐由我中一開始逼我每日好似傻仔咁跟TED talk同步練講5分鐘,係每日,星期一至日年終無休嗰種,唔聽家姐話阿媽就扣零用錢,練左兩年。」TED演講(Technology, Entertainment, Design),大多數的影片都上載至網上,演講內容千變萬化,對於聽及講英文實在大有幫助,而且能認識各種詞彙。

設計圖片

去到中三,該學生的訓練有所變化,便是要隨演講的題目,立即「爆肚」演講三分鐘,稱「係唔俾時間準備即興創作咁,仲要錄低晒俾家姐間中抽黎聽,講得好有零用錢加,講得衰就扣。練左兩年到宜家中五佢冇逼我。」

網上圖片

該學生後來去考IELTS,才知道家姐這麼多年來的用心良苦:「早兩個月我去考IELTS,speaking竟然有9.0!!!但其實我從來未去過英美澳紐,連星加坡都未去過,而且我係讀中中。以前好驚家姐,唔鍾意家姐,不過宜家又好感激佢,唔係因為個speaking我overall都絕對唔會有7.5。」

「唔知以上方法係咪人人啱用,不過都寫出黎俾大家參考下。好似我同家姐咁冇機會出國留學甚至遊學,呢啲都算係低成本高回報方法。」網友大多讚好其家姐手段高超,「雖恐怖,但終生受用」、「其實喺全家合作嘅成果,包括你,家姊及媽媽。恭喜你有回報」、「你家姐好錫你呀,唔錫嘅話唔會花時間幫你練同聽錄音」。

網上圖片