*

其他文章
upload_article_image

交通補貼$10現金券大受歡迎 7-11及OK便利店系統故障

系統現已恢復運作。

市民今日起可以領取上限300元的交通費補貼,在7-11及Ok便利店領取更可獲10元現金券。不過由於反應太過踴躍,7-11及Ok便利店均先後出現系統故障,部分市民無法領取現金券,引起不滿。

7-11便利店系統故障。網上圖片

在7-11便利店Facebook專頁,有網民紛紛投訴無法領取現金券,指「今早拍完,冇現金券,只比咗張單叫我過幾日攞,仲要去返同1間7-11。但我好耐先經1次嗰間7-11,即係點呀?唔送就唔好做宣傳啦!感覺被騙... ...」、「啱啱去完順利7仔。員工話冇喎。點先 ,係咪要報海關?」、 「剛拍完,無卷送,大家不要去7-11啊」。

OK便利店系統故障。網上圖片

7-11便利店專頁解釋,「由於系統故障未能為大家即時提供現金券」,為今次事件帶來不便致歉,建議顧客保留有關收據並透過inbox聯絡,職員會於稍後時間通知顧客領取現金券的安排。7-11及後再表示,系統經搶修已回復正常,顧客現可憑有關收據到任何一間分店換領現金券。

市民今日起可以領取交通費。

而OK便利店也在Facebook專頁公布,「抱歉。今早9時至9時30分期間,由於有大量顧客領取交通津貼及OK 現金劵,系統未能負荷而曾發生短暫故障。」OK便利店已立即跟進並提升系統,於9時30分恢復系統運作。

有市民成功領取現金券。網上圖片