*

upload_article_image

港媽罵店員閒聊 教女兒學好英文投訴 網民: 西客

網民都指港媽太離譜!

相信不少在香港做服務業的打工仔都收過投訴。一名網民昨日在網上發文,講述早前到快餐店食早餐時,旁邊一名正與女兒吃早餐的港媽對有兩名大嬸員工閒聊表示不滿,大聲指責:「喂你兩個宜家請你哋黎吹水定做野呀!」。其中一名員工與港媽對罵,港媽更揚言要寫Email到總公司投訴。其後更提醒女兒要學好英文,日後遇到這種情況就可以寫英文Email到總公司投訴他們。

設計圖片

港媽大罵快餐店員閒聊 教女學好英文寫Email向總公司投訴 (設計圖片)

該網民日前投稿至facebook專頁「西客之道」,分享早前到快餐店用餐時遇到港媽的經歷。樓主稱,某日上班前到麥當勞吃早餐,遇到一對母女,「個女睇落大約讀緊一二年級左右,港媽睇落約30」,女兒一邊吃早餐,港媽一邊檢查女兒功課。

當時附近有兩名大約50歲的女員工在閒聊數句,樓主形容兩人談話聲量正常,並沒有特別大聲,港媽聽到後竟感到不滿,大聲指責:「喂你兩個宜家請你哋嚟吹水定做嘢呀?吹完未呀?」。其中一名員工聞言即道:「唔好意思」,不過港媽繼續指罵:「你哋喺度嘈住我個女食早餐呀!我要投訴你哋!叫你哋經理出嚟!」

設計圖片

其中一名女員工再向港媽道歉,不過另一名員工則忍不住與港媽對罵,樓主指港媽「越鬧越起勁」,說:「抵你哋做死一世M記啦,我而家就投訴你呀!投訴到你連m記都無得做呀!我會寫Email上你總公司投訴你㖭呀」。先道歉的那位員工見狀,即時拉遠同事,免得他們繼續吵架。

兩名員工離開後,樓主聽到港媽向女兒說:「嗱!你要學好啲英文呀!到時遇到呢啲情況就可以寫英文Email去總公司投訴佢地㗎喇!知唔知呀?」。其女兒沒有出聲,默默地點頭。樓主見狀留言稱:「我就明白點解香港咁X多西客,因為呢啲X街原來咁X樣教啲仔女嘅!」。

設計圖片

事件引起網民熱議,不少網民留言批評港媽不懂如何教女:「人品唔好,讀幾多書都無用」、又有網民笑指:「要Tag埋生仔要考牌系列」、「要去圖書館先食到嘢喎咁搞法」。有網民則認為職業無分貴賤,反嘲港媽:「狗眼看人低」、「叫個阿媽學好啲英文咪日日去半島食囉,去咩M記啫」、「阿女真係要比心機讀書,如果唔係第日自己要帶個女去M記食早餐」。