四個就夠晒數 Bob孖老婆影婚紗照圓心願

林太靚呀～

林盛斌（Bob）的外父早前70大壽，Bob便乘機拍了幾輯溫馨全家福，其中一款兩公婆打扮成新郎新娘，Bob話係送給愛妻的豬年禮物：「12年前結婚時，我哋冇乜多餘錢，打後日子我頻撲工作，老婆黃乙頤（Pearl）就Keep住生仔女，遲遲未收身補影婚紗相，今次都算係圓咗我哋多年嚟嘅小小心願。」

呢張遲來的結婚照圓了Bob嫂多年心願。

Bob有份演出的賀歲片《如珠如寶》是講如珠如寶的家人，正好提醒他珍惜家人，回顧過去一年頻頻撲撲周圍去，與寫人相處時間的確很少，有時人在異地更想念家人，幸好這些溫馨家庭照發揮「止渴」作用，「啲相效果好靚，老婆好有心思，特地訂咗一批電力tee，印住媽媽冇電、仔女電力充沛有待放電，好好笑，翻睇輯相都好開心。」

新年期間，Bob嫂帶4子女去韓國滑雪，留低阿Bob在港捱世界。

兩公婆帶住4個人肉利是封去拜年，Bob笑言似集體打劫。

提到其中一輯相，一家六口排排坐在一張長沙發上，網民指出沙發仲有空位可以再坐多個人，提議兩公婆再造人，對此，阿Bob大笑說：「多謝網友咁留心送上呢個祝福，但唔得啦，細路仔會大㗎嘛，當佢哋大咗會愈坐愈逼，唔會再夠位坐多個人落去，所以呢張櫈啱啱好。」

一家六口排排坐影相，網友留言仲有位，阿Bob笑言無意生多個。

林氏一家過年前着住印有電池量嘅Tee影全家福。

問到林太是否決心封肚？Bob說：「咁又冇落實封肚呢兩個字，但唔會好刻意咁再加添家中新成員。」笑問是否不想再添丁，精力過盛要捐精？他笑言：「網上話捐精只係搞笑吓啫，我用圖片製作器整出嚟嘅玩笑，最好笑好多藝人留言問我係咪真？好正呀，我希望唔使去到呢步！不過如果白白用咗落張紙巾，真係可以有收入嘅話，捐精幫吓人都係好事嚟嘅，哈哈。」

情人節夜，阿Bob Post相到社交平台，「兩條友煮咗兩個麵加幾條菜心做消夜慶祝情人節！o依家麵又食完嘞，碗又洗埋嘞，D細路又瞓晒嘞，吖，你話做咩好呢o依家？」

至於新年願望，Bob希望9月踏入40歲後有機會登上紅館做一場楝篤笑，另跟陳敏之、楊潮凱主持的TVB新節目有好收視。

去年阿Bob到內地做巡迴楝篤笑，希望未來有機會登上紅館開Show。

4大嘉賓鬥數「襟撈」三大型男當中一人更是國際級知名人士！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，19日10點半翡翠台播映最後一集。Mayanne邀來林盛斌（Bob）、朱咪咪、吳若希及袁偉豪（Ben）擔任嘉賓，大談「襟撈」定義兼八卦地狂數三名「襟撈」型男，分別是郭富城、碧咸及陳豪！事緣阿Bob談到「願意合照」是藝人襟撈其中一個準則時，Mayanne興奮地大談與碧咸的一次同台經歷：「當時我做MC，安排緊啲客同碧咸影相，佢就擰轉頭同我講『Would you like a photo as well？』」隨即引發全場尖叫，城城則獲阿Bob點名讚「合照來者不拒」。阿Bob又謂「願意合照」其實是藝人絕佳公關：「嗰個人搵你影相，係因為佢鍾意你，佢咁同你影第一佢好開心，第二可能放社交平台讚吓你。」阿Bob續指農夫亦相當識做：「有時面對一啲新人或業餘主持人，佢哋上台前會問製作單位位主持叫咩名，上到台就會叫嗰個人個名，個主持人就覺得受尊重。」即場被票選為「襟撈」代表的阿Bob及咪咪姐，更大方分享演藝界「襟撈」金科玉律，密切留意。

最後一集嘉賓有吳若希、袁偉豪

朱咪咪同林盛斌

Mayanne講番當年碧咸主動問佢使唔使合照時，吳若希瘋狂尖叫。

袁偉豪成功過渡看淡負評：最好唔好講嘢

至於被即場票選為「唔襟撈」代表的吳若希，及舉手自認唔襟撈的阿Ben，亦先後獲機會「自辯」。其中自與太太張寶兒結婚後飽受不少負評的阿Ben，直認當初確實介意，但現在已看化：「我覺得你可以有自己睇法，但最好唔好講嘢，唔好喺網上表達自己意見，就算好簡單講句『我唔鍾意』，每個人接收你嗰句唔鍾意都有唔同睇法。」、「其實普遍大部分觀眾都唔認識我，同時仲會對我多咗個睇法，自己喺工作上努力咗咁多年會覺得唔抵；為頭家點點點，到頭來都有網民對你有另外睇法。當然嗰個係一個階段，呢刻你問番我，人生其實幾咁美好，生咗小朋友又可以同小朋友玩，亦冇咁在乎得失同人哋評價，咁其實就冇嘢。」阿Ben說畢，Mayanne及現場嘉賓即爭相指他放鬆了不少，對此阿Ben搞笑謂：「如果咁都唔鬆，真係唔使再撈喇！」

對於網民嘅聲音，袁偉豪明顯睇淡咗好多。

吳若希親解頒獎禮Over舉動背後真相

四位嘉賓還大派花生，Mayanne重提吳若希當年在《勁歌金曲》頒獎禮中，當宣布菊梓喬獲得女歌手獎時，如何overreact令全場爆尷的往事：「我喺個台度心諗：『吳若希你收斂少少好冇呀？你興奮過得獎嗰個，唔該你坐番低啦！」』吳若希即解畫謂：「因為我好緊張，當刻我心諗我未夠班，千祈唔好頒畀我呀，我攞咗又要畀人鬧喇。」Mayanne續指當時大會司儀都在台上盤數如何為吳若希打圓場，咪咪姐聞言即搞笑搭嗲：「點兜啫，做到咁出面！」Mayanne繼續「針對」若希謂：「我成日懷疑點解佢仲喺呢行，佢成日辣著網民，我同佢影合照放社交平台，啲人會喺我度留言問我點解仲同呢個人做朋友。」並指若希出事原因是經常「公審」老公，咪咪姐聞言勁驚訝：「呢啲私隱做乜擺上網？」到底自封「小辣椒」的吳若希會點樣回應？

對於吳若希喺網絡「公審」老公，咪咪姐大表費解。

咁到底吳若希會點回應？

Mayanne重演番吳若希當年喺頒獎禮失態一幕。

吳若希就解釋番當時嘅心情。

至於阿Bob的大型花生，就是當Mayanne問他接Job有沒有底線時，他揞名爆曾推掉一部三級片，隨即惹起哄動，阿Bob更會娓娓道來當時推卻邀約的真相！之後若希追問：「如果搵你好似黎諾懿要露半個pat pat呢？」阿Bob竟爽快以五個字答案回應，到底又是甚麼？另阿Bob還親述曾親自回應網民負評的往事，最終成功將嬲到爆粗留言的網民最後變成留言為阿Bob打氣，打底阿Bob如何以奇招化解戾氣？密切留意今晚最後一集《Mayanne小喇叭》。

阿Bob一講話曾經有人搵佢拍三級片，震撼到Mayanne即刻企起身。

吳若希追問林盛斌裸露底線，阿Bob個答案當然絕啜核啦。

吳若希追問林盛斌裸露底線，阿Bob個答案當然絕啜核啦。

阿Bob講番當年同細細粒嘅激烈親熱戲時，一度嚇親咪咪姐。

對付負評，阿Bob有自己一套嘅應對方法。

呢一集曾展望會為自己一件好唔識撈嘅往事公開道歉，到底咩事咁大件事？