事件引起網民熱議，有網民指如果真心想幫佢，可以請佢食漢堡包。
近年來香港不斷出現行乞事件，不少行乞人士都濫用港人的同情心，令港人被騙取後深感不憤。有網民昨日於facebook發文，稱在西環快餐店遇到一名聲稱為聾啞人士的女子，手持一張卡紙要求索取金錢，卡上更表明自己「從大陸來港」，希望索取30至50元。
內地女聲稱聾啞人士流連快餐店向市民行乞。Henry Lau FB圖
一名網民王淑文昨日於fb群組「西環變幻時」發文指，在麥當勞用餐時，遇到一名內地女子走近，並強行遞上卡片索取指定金額。樓主稱，女子手持的卡片內容是指自己為聾啞人士，「從大陸來港幾天沒吃飯，可否給我30至50元」。
內地女聲稱聾啞人士流連快餐店向市民行乞。王淑文FB圖
由樓主上載的相片可見，該名短髮女子手持卡片在麥當勞內流連。樓主說，女子的行為猶如「奉旨大搖大擺乞食」，她最終沒有給她金錢，又指女子要求指定金額更是「離譜」，慨嘆「食餐安樂午餐都唔得！唔明白香港點會變成咁」。
事件引起網民熱議，有網民留言說：「 樓主如果真心想幫佢，可以請佢食漢堡包，但唔好直接畀錢佢」、「 我討厭欺騙人的乞丐利用聾啞人士的身分，這相片的女大陸乞丐做的行為不道德,令我覺得她羞恥！」。亦有網民笑指女子的卡片就如「提款卡」，稱：「佢真係想一卡傍身，世界通行」。亦有網民指曾於觀塘、西營盤、銅鑼灣等地遇過相同經歷，並直斥對方以募捐為名，實則是無牌行乞，留言表示不會助長行乞：「有組織乞兒，一蚊都唔好畀」、「再畀就似傳染病，區區都有份」、「唔好俾呀！俾咗就無日安寧」，更有數名網民指曾在尖沙咀以及灣仔看過涉事女子。
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
