Skip to Content Facebook Feature Image

大馬拍戲好鬼歎 林德信曬太陽鵬哥狂食榴槤

娛圈事

大馬拍戲好鬼歎 林德信曬太陽鵬哥狂食榴槤
娛圈事

娛圈事

大馬拍戲好鬼歎 林德信曬太陽鵬哥狂食榴槤

2019年02月20日 09:40 最後更新:09:42

每日都走訪不同景點,好似參加旅行團咁!

林德信(Alex)、林曉峰(阿Lo)及邵音音出席賀歲喜劇電影《玩轉全家福》首映禮,阿Lo表示為該片於大馬拍攝了個多月,每日走訪不同景點拍攝,好似戲中故事一樣參與旅行團;而Alex就大爆有份參演的盧海鵬好喜歡一邊食榴槤一邊吸煙,不過音音姐就話現在見到煙仔都怕怕,因為鵬哥去到邊都叫她一起吸。

林德信爆鵬哥狂食榴槤。

林德信爆鵬哥狂食榴槤。

在戲中飾演地產經紀的阿Lo,當中有睇樓戲份,試過到當地的屋苑發現沒有人居住。他說:「問返當地人就話:『無乜人住無!』原來佢哋講乜都加個無字!不過都話無人住,因為好細,但樓底好高又有露台6百幾呎,都係2百幾萬咋!」談到該片成為大馬華語電影賀歲票房冠軍,對於香港票房成績,阿Lo表示這部是馬來西亞電影,希望能夠在香港是馬來西亞電影的票房冠軍。

左起:林曉峰、林德信及邵音音。

左起:林曉峰、林德信及邵音音。

Alex大讚劇組好細心,試過拍攝期間天氣很好陽光普照,於是等埋位時想晒太陽。他說:「不過太陽曬得好勁,有位劇組人員專責用傘子為大家遮太陽,佢會擔心我曬黑不能夠連戲,但我又想曬,佢唔畀我曬,我咪走來走去囉!」他又爆有份參演的盧海鵬(鵬哥)好喜歡吃榴槤,有日劇組安排成枱榴槤,搞到鵬哥好開心,成日一隻手拎榴槤,另一隻手拎住香煙。音音姐笑言鵬哥很喜歡該片,搞到去到邊都叫她吸煙,嚇到她現在不敢吸煙。

林德信 (資料圖片)

林德信 (資料圖片)

盧海鵬 (資料圖片)

盧海鵬 (資料圖片)

往下看更多文章

出席「藝進同學會」聚會與鄧英敏暢談近況 盧海鵬自揭一隻眼全盲

2024年01月03日 21:00 最後更新:13:32

盧海鵬指因為長期糖尿病,導致變成青光眼,知道後已冇得醫,左眼盲了,另一隻就冇事。

現年82歲盧海鵬入行至今已經半個世紀,以搞笑及摸仿其他藝人、名人而馳名。雖然2018年曾進行「通波仔」手術,但近年仍間中參與幕前的演出。盧海鵬日前出席由無綫電視藝員訓練班畢業同學組成的「藝進同學會」聚會,並與第三期藝訓班的同班同學鄧英敏暢談近況。

盧海鵬70年代是《歡樂今宵》台柱。

盧海鵬70年代是《歡樂今宵》台柱。

參與過不少TVB劇集。

參與過不少TVB劇集。

亦拍過多部電影。

亦拍過多部電影。

2019年參演ViuTV劇集《仇老爺爺》後大幅減產,只間中客串幕前演出。

2019年參演ViuTV劇集《仇老爺爺》後大幅減產,只間中客串幕前演出。

經常與圈中好友聚會。

經常與圈中好友聚會。

上月一班好友就為他慶祝82歲生日。

上月一班好友就為他慶祝82歲生日。

盧海鵬與鄧英敏當年在《歡樂今宵》中合作無間,今次難得相聚,鄧英敏就訪問老友,並將片段分享到自己的YouTube頻道《老友鬼鬼》,片中問到對方身體近況,盧海鵬雖然已經滿頭白髮、白鬚,但仍然精靈活潑,而且中氣十足地回答話:「呢輪身體唔錯㗎,咩都冇㗎,咩事都冇㗎,問題就係以前搞到自己隻眼盲咗咋。」鄧英敏聞言即追問原因,盧海鵬說:「長期糖尿(病)啊,引起嗰隻眼變咗青光(眼),都冇辦法,後尾知道都冇得醫囉,依家冇乜嘢。」鄧英敏再問現在左眼同右眼視力還有多少,盧海鵬就直言左眼盲了,另一隻就冇事。

影片截圖

影片截圖

影片截圖

影片截圖

盧海鵬本身是糖尿病人,2018年苗僑偉與老婆戚美珍陪他睇醫生時,發現盧海鵬其中一條血管阻塞90%,其後資深傳媒人汪曼玲曾透露,當時導演杜琪峯和古天樂極力游說他做手術,於時盧海鵬於同年11月入醫院接受「通波仔」手術,當時由古天樂先墊支20萬醫療費用,其後盧海鵬再向保險索償。為了身體健康,盧海鵬近年不時與周潤發行山,他曾笑但指因自己跑得慢,對方已經沒有接他,但自己仍堅持每朝6時去跑步,自此身體也變好,有氣、有聲,連唱歌也可以。鄧英敏就提到他現時每朝都會在家附近跑步,盧海鵬說:「全靠朝朝早跑步啊。(跑步係急跑?定慢跑?)梗係慢啦,我能唔能夠急跑先?就算係急跑啊,都會死咗㗎,個心臟都負荷唔起啦。(咁你跑步跑幾耐到啊?)每日一個鐘,中間無停。」

古天樂曾為盧海鵬先墊支20萬「通波仔」醫療費用。

古天樂曾為盧海鵬先墊支20萬「通波仔」醫療費用。

盧海鵬近年不時與周潤發行山。

盧海鵬近年不時與周潤發行山。

影片截圖

影片截圖

下個月就是農曆新年,鄧英敏問有冇甚麽節目安排?盧海鵬表示:「冇咩打算,過咩節都係咁㗎啦,我屋企人全部喺加拿大,剩番我一個喺度啫,大陸嘅屋企人呢就死晒啦,父母兄弟、阿哥阿嫂都死晒。」鄧英敏即指雖然盧海鵬在香港只有一個人,但最重要是身邊有一班好友、同學陪伴。盧海鵬讚同的表示:「依家就係靠咁,你話要我去邊席我都唔去㗎啦。」鄧英敏又會否再參與幕前演出?盧海鵬說:「演出就難講啦,自己覺得可以做嘅咪做下囉。」至於還有沒有戲癮?他就表示:「有乜戲唔戲癮啫,做戲嘅嘢,你一撩到就係有戲癮㗎啦,你唔撩咪又係咁呆呆滯滯囉。唉!年紀都細啦。」

影片截圖

影片截圖

影片截圖

影片截圖

盧海鵬身邊有一班好友、同學陪伴。

盧海鵬身邊有一班好友、同學陪伴。

觀看相關影片按連結:https://youtu.be/ibLOP9pIJlo?si=BvfPenPeGp2V24wC

你 或 有 興 趣 的 文 章