*

upload_article_image

望生雙胞胎湊夠3個 杜德偉買香水氹老婆

佢話正在努力造人!

日前57歲牛一的杜德偉(Alex),攬住餅印囝囝齊齊吹蠟燭慶生,十分溫馨!美魔男還說和太太努力造人,想生三個組織大家庭。日前晚上,人夫獨自現身銅鑼灣時代廣場嘅化妝品部買了袋女裝香水,似乎係想買來冧老婆,之後就急急腳離開與兩歲囝囝AJ和老婆會合。

新正頭,馬不停蹄出trips嘅杜德偉,帶埋妻兒溫馨同行。

杜德偉自從做了daddy後,慈父樣出晒嚟,父愛氾濫的Alex坦言和愛妻正努力造人,望生夠三個,最想下一胎係雙胞胎就最完美,可以早啲「收工」喎!

打扮低調嘅Alex,獨自去買香水O氹細佢24年嘅老婆仔。

心急見囝囝

平均一周有三日離港工作的Alex,日前不用開工當然是陪妻兒過最愛的family day啦!當日晚上7時,戴帽人夫獨自現身銅鑼灣時代廣場嘅化妝品部,行了個圈就停低向店員查詢,未幾試聞吓幾款女裝香水,不用三分鐘就鎖定其中兩支,碌卡找數。見Alex同店員有講有笑,非常親民。未幾,他收到電話後便挽住戰利品摩打腳行出商場等車,左顧右盼,心急等車。當車駛到時,Alex笑笑口上車,原來小王子和太太早已在車內,人父見少阿仔一陣都心掛掛呀!

Shopping時發現有記者,Alex禮貌揮手say hi。

畀錢時,Alex一接到電話隨即走人。

日前,杜德偉57歲生日,上載一段抱仔吹蠟燭嘅短片,並留言:「睇吓AJ點樣同我慶祝生日。」見兒子吹蠟燭時,畫面出現CG嘅噴火效果,好搞笑。

月前,杜德偉帶埋兒子去台灣出席新歌發佈會,可愛AJ搶盡風頭。

甫上車,Alex就笑晒口和身旁嘅囝囝(紅圈)玩。