祖藍表示希望在戲院得到觀眾的第一身意見。
由王祖藍執導的賀歲片《你咪理,我愛你!》上映逾兩星期,票房直衝900萬。祖藍為答謝觀眾,過去約兩星期只要人在香港,便跑勻港九新界多間戲院瘋狂謝票,最高紀錄一日跑足13場,當中有些更是突襲加碼「謝票更」,令入場觀眾喜出望外。
經過一輪「喪跑」後,祖藍最終謝了125場票,笑言:「有時為趕location,成日冇時間食嘢,所以我最終10零日入面瘦咗5磅,都幾好吖」。
問到為何要如此勞心勞力謝票,祖藍笑謂:「咁話晒第一次做導演,都知自己有好多不足嘅地方,所以都好想喺戲院度問吓觀眾嘅第一身意見,希望之後盡量改善。」
祖藍又分享謝票之旅數之不盡的難忘回憶,「最難忘嘅係有一個Family竟然拉大隊嚟睇《你咪理》,為數有成18人。第二係要多謝好多藝人朋友,佢哋雖然只係客串,但個個都好落力謝票,好似方力申、王菀之、白只、劉雅麗、梁嘉琪、陳明恩、大肚嘅岑麗香、苟姑娘、郭晉安、何遠東、蝦頭、吳業坤、王浩信等等,另外祥師兄(阮兆祥)仲包場請《一圈圈》聽眾睇,真係好多謝好多謝佢哋」。