*

爆曾志偉伊豆大阪都有物業 譚詠麟:正所謂矮仔多計

校長笑志偉真是打跛腳都唔使憂!

譚詠麟(校長)昨晚(20日)帶同旗下歌手趙浚承(Gary),為到Viutv音樂節目《譚音樂譚欣賞大本型》進行錄影。談到農曆新年,校長譚詠麟到了日本旅行度過,日前到澳門跟歌神許冠傑開騷,如檔期沒有變動,工作已編排到11月。

譚詠麟

 

校長表示:「過兩日說開始做新碟。(去日本有無揸車啊?)哈哈!我梗係有揸車啦,司機坐我隔離,只係幫我泊位。佢(曾志偉)係雪地,我唔係嘛!不過都唔關佢事,佢係都無辜。」接着隨即乘機揶揄志偉,笑言:「自從佢上年中3T,一路獲利回套緊,不過今年無事架喇,所有衰嘢都走晒。」

譚詠麟乘機揶揄志偉中3T仍獲利回套中。

校長還透露不時都會跟志偉到日本旅行,去年曾入住志偉在日本開設的民宿,更大爆志偉是大地主,於伊豆、大阪都有物業。他笑言:「正所謂矮仔多計,佢真是打跛腳都唔使憂,我依家都想打跛佢,哈哈!」

曾志偉(資料圖網)

另外,校長又特別介紹旗下男歌手趙浚承(Gary),透露兩年多前去了北京參加《星光大道》,最後獲得年度第三,最近亦帶著他四處參與巡唱。

譚詠麟帶同旗下歌手趙浚承到Viutv音樂節目進行錄影。