*

upload_article_image

王子涵被指「靠父蔭」 鄭則仕:係我開口捧世侄女

Ken哥話:「機會係留畀有準備嘅人!」

本周大結局的劇集《荷里活有個大老千》進入高潮篇,外間反應好,帶挈「孭重飛」的「砵仔糕」(丁小雨)、王晶女兒王子涵成功彈出,而劇中主角、67歲的鄭則仕(Ken哥)亦人氣急升。對於糖尿纏身好憔悴,減磅二十磅拍《荷里活》的Ken哥笑說剛做完身體檢查,否認有「三高」,還提高聲調、勁精神替子涵澄清「靠父蔭」上位:「唔好屈晶哥,其實係我提出捧王子涵,晶哥先將佢擺上去做『女一』。」

被指糖尿纏身的Ken哥,坦言早前專登減廿磅拍《荷里活》,之後太辛苦又瘦十磅。日前剛check完身體,一切正常無「三高」。

無論工作有多累,Ken哥習慣會重看劇集兩次以上,看下拍攝成果,亦會留意同場演員的演出狀態:「今次回響幾大都幾驚喜,評價中,當然最深刻矛頭指向晶哥,話佢開劇捧女,捧個女呢樣嘢唔係晶哥行先,呢行有太多人捧自己仔女,而且王子涵由冇人識到係人都知佢叫『砵仔糕』唔係白捧。佢首次做女一,演技雖然唔叫精采,但合格有餘,畢竟影齡唔耐。而且佢好受教,就算拍戲時我用粗口鬧佢,佢都受得起。」

Ken哥飾演的龍四和砵仔糕呢段父女情,有笑有淚。

Ken哥強調由他主動向晶哥要求捧王子涵,反而晶哥壓力比他大,最怕失敗後對個女期望幻滅。

原來Ken哥早前同晶哥合作電影《追龍》時結下片緣,兩人好啱嘴形,加上當年在《火線下的江湖大佬》見過子涵做戲不錯,就大膽開口向晶哥說,「不如將子涵交畀我一次,等我試吓能否幫到佢。」Ken哥續說:「機會係留畀有準備嘅人。(係子涵大恩人?) 千祈唔好咁講,請我食餐飯就得。唔只子涵,連吳業坤、蔡瀚億(BabyJohn)我都一樣喺片場用粗口鬧醒佢哋,我出名火爆嘛。現場衰咪得一百幾十人知,但播出街會有幾百萬人睇到呀。」

鄭則仕早年憑電影《三個受傷的警察》奪影帝,演技被肯定。