*

upload_article_image

為BB買儲存臍帶保險 大肚楊愛瑾拖老公哂幸福

為BB日後的醫療以策萬全!

情人節生日的前Cookies成員楊愛瑾(Miki),2016年4月與拍拖九個月的永安太子爺郭永淳拉埋天窗。小王子Luken於2017年3月出世,大眼睛似足父母混合體。去年10月,Miki再宣布懷孕的喜訊,計一計日子,第二胎好大機是她同老公7月在法國過二人世界時成功造人。

郭永淳夫婦婚後三年抱兩,好快變四口之家。

去年7月,Miki撇下兒子Luken同老公遊法國二人世界時造人成功。

今年豬年,娛樂圈有好多豬BB排隊面世,計上周陳凱琳生了B仔Rafael,到了3、4月,岑麗香、單文柔、樂基兒等亦輪流「卸貨」,其中闊太Miki都是其中一個幸福準媽咪。

早前佗B生活悶悶地,Miki挺巨肚約埋好友去嘉年華玩餐飽。

網上圖片

日前下午,剪短頭髮、準備下月或4月生B的Miki現身中環ifc,見穿上粉紅色闊身裙、leggings加波鞋的她和頭一胎一樣肥肚不肥身。她步履輕盈行上一間cafe門外挑選西餅,選完隨即入座,原來老公郭永淳一早與兩名經紀在餐廳傾購買儲臍帶血,準備送給BB,為日後的醫療以策萬全。傾到七七八八,便叫老婆到場簽名,錫住愛妻多休息。

Miki先揀件西餅才入座。

Miki兩公婆約經紀傾替BB儲存臍帶血嘅事宜。近年好多藝人如蘇永康、周汶錡和鍾麗淇等都有為BB購買呢份保障。

一行四人傾多半小時,Miki和老公先行離開。見郭永淳雖然掛住看手機,但仍不時溫柔繞實老婆、提醒對方慢慢行。其後,Miki再看多次西餅,似想買走同小王子Luken開心share,但最後無買到,Miki就繞實丈夫溫馨走人。

已剪短頭髮等生的Miki得天獨厚,肥肚唔肥身,當日見佢不時同老公十指緊扣又繞手,甜蜜蜜。

愛妻郭永淳攬實太太行去酒店上車。