社會事
愛國貨，賣日本元貝，送西班牙罐頭，Super！
售賣海味的本地連鎖商戶「大棧」日前在其Facebook專頁發文宣布推出優惠，凡是持華為手機的顧客，於本月20至22日到各分店購買日本金黃小元貝1磅，即送西班牙黑豬午餐肉2罐。若購買指定燕窩，即送「特朗普」8年茶餅1個。
大棧FB專頁圖片
帖文以「政治打壓 虛偽不可取 貿易壁壘 阻全球發展」為題，表明支持貿易自由，所以為華為手機用戶提供優惠。帖文又提到，大棧深信，無論甚麼行業，只要能專注、用心，做出優質靚貨、價格具競爭力，便會被市場選擇。
大棧FB專頁圖片
網民紛紛在帖文下留言，有人就質疑為何不直接支持國貨，「點解唔買國貨？做乜支持日本瑤柱？意大利午餐肉？」、「全部都賣洋貨舶來品，中國貨你睇唔起嗎？」，有人就批評大棧鄙視使用非華為手機的人，「你即係鄙視用iphone和其他品牌機嘅人啦？咁你以後淨係賣俾用華為機嘅人啦！」
大棧FB專頁圖片
大棧FB專頁圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
