*

獲蘇永康邀請拍MV 張繼聰自言已暗地裏淡出樂壇

阿公下次可以考慮邀請阿聰合唱喎~

蘇永康(阿公)的新歌《ALL THAT JAZZ》MV 將於下星期一(25日)出爐,今次特別請了好友張繼聰助陣拍攝,阿聰自爆是阿公忠實粉絲,求學時期考試靠唱阿公hit歌攞分,更被讚揀歌有品味!如今二人已為人父,每次相見必暢談仔女經,今次MV阿聰與小演員做對手戲,他便大施氹仔功,令得小朋友乖乖演出!

張繼聰、蘇永康

蘇永康請了好友張繼聰助陣拍攝新歌《ALL THAT JAZZ》MV 。

《ALL THAT JAZZ》的MV 除了有張繼聰、小演員,還有扮演媽咪的胡琳,這首歌是講及父子情及家庭樂,在MV中阿聰有個幸褔家庭, 已為人父的他與兒子玩成一片、做運動、扮唱歌等,與小演員做對手戲毫無難度,因為他對氹小朋友特別有一手,更不時流露出一副慈父相教小演員演出,令拍攝進度火速完成!

MV 除了有張繼聰、小演員,還有扮演媽咪的胡琳。

湊仔有一手的張繼聰很快就與小演員打成一片。

張繼聰笑言,好開心再有機會拍MV, 因為他已經暗地裏淡出了樂壇,今次拍這首歌是因為覺得很有意義,相信每個家庭也會有共鳴, 內容是講父子情及家庭的相處,他亦覺得歌詞十分有意思,令人反省做父母的是否一定要將自己的一套硬加添在子女身上,其實有時做父母的可以在子女身上學到很多事, 為人父母其實是一門學問,「呢首歌係非主流情歌,不過又好有共鳴,歌詞講父子的成長,用咗音樂嚟表達,仲配有中樂元素,咁又幾好玩!」

張繼聰自爆暗地裏淡出了樂壇。

張繼聰覺得這首歌歌詞十分有意思。

張繼聰直言為人父母其實是一門學問。

阿聰又表示,很期待阿公與中樂團的演出,但他笑言到時只會去看不會上台唱歌,因為現在他唱歌會很緊張!阿聰又爆料:「以前我喺演藝學院讀書時, 每次考唱歌都會唱阿公的歌,本來老師話我唱歌窄窄哋,不過好在我有taste唱佢啲歌,所以先合格,之後去酒廊唱歌都會唱阿公歌。」

張繼聰又自爆在演藝讀書時,考試靠唱蘇永康的hit歌攞分。

阿公則說:「今次邀請阿聰幫手係因為我哋兩家人都好熟, 我見過你個大仔阿詹都幾活潑,你哋嘅相處方法幾有趣,所以搵咗你拍!我自已個仔只有21個月大,唔知將來相處會唔會好似你哋咁緊扣,所以我將呢個諗法講畀Wyman知,等佢填歌詞時有啟發,再加上阿聰嘅演繹方法去做。」 他又表示,今次新歌是加入了中樂元素, 因為他希望嘗試多些不同的音樂,6月他與中樂團會合作舉行演唱會 。

蘇永康表示希望囝囝長大後與自己的關係能像張繼聰不樣如此緊密!