*

upload_article_image

「暖男」黃奕晨餵咖啡 吳嘉熙全身幸福肥

兩位好恩愛,好閃呀!

Cheronna(左)同黃奕晨Shopping無避忌。

女子組合Super Girls成員吳嘉熙(Cheronna)與夏雨仔仔、ViuTV藝人黃奕晨拍拖至今,經常公開放閃。日前下午,Cheronna同男友在中環行街,男友對她無微不至,展現「暖男」一面。 

藝人公開拍拖最好嘅地方就係,攬實行街無問題。

Cheronna同黃奕晨愛我高調,十足超級連體嬰,會一齊參加渡海泳同毅行者,女方出席活動,男方又會喺台下做御用攝影師,拍拖年半仍處於熱戀階段,Cheronna亦唔介意將男友掛喺嘴邊,例如會買鑽飾畀男友、又會同男友去加拿大見家長,強調男友唔會咁快求婚,完全零偶像包袱。

黃奕晨(左)拎住咖啡餵女友飲。

當日,Cheronna同孭住相機嘅男友去中環某大型商場行街,兩人主攻西班牙名牌連鎖店, 女方不斷睇上身衫,揀揀吓男友突然拎件衫同佢度身,女友擰頭示意麻麻,男方又放低,揀多一陣終於睇中嘢。女友置完裝,黃奕晨即攬實女友繼續行街,之後兩人再去買咖啡,男方拎住咖啡餵女友飲,身穿連身衞衣裙嘅Cheronna好似脹咗一個碼,小腿好厚肉,明顯幸福肥。

呢Pair情侶經常一齊出席活動。

網上圖片

網上圖片