搭車最怕遇到這類人,仲好意思鬧人。
搭車最怕遇着缺德乘客,但有女乘客搭巴士時,驚見鄰座大嬸挖鼻後,將手抹在其衣服上,直言「完全崩潰」,大怒下用粗口責罵對方和拍照。大嬸見狀則要求刪相,又反罵事主歧視、「無家教」,事主反駁「你試吓有人抹鼻屎落你件衫到,你咩反應」。女乘客事後在網上發帖吐苦水,網民都一面倒斥大嬸「真係核突到極點,仲好意思鬧人」。
有網民昨在facebook群組「To Kwa Wan 土瓜灣之友」發帖稱,昨日乘搭106號巴士時,打機期間發現其外套被扯下扯下,一望下驚見旁邊的婦人挖鼻屎後繑手,「隻手抹落我件衫到」。樓主即時怒火中燒,「X咗佢幾句,喺未能冷靜之下,我自拍咗呢張相」。
婦人見狀,用「唔鹹唔淡嘅廣東話叫我刪咗佢,鬧咗我幾句......,無家教啊,話我歧視佢」。樓主駁斥,「大佬你試吓有人抹鼻屎落你件衫到,你咩反應,我係因為不公而出聲唔係歧視你」。
雙方爭拗一輪,婦人事後下車。樓主嘆道,自己本身怕事,但今次亦忍無可忍,「憑咩我係女仔唔可以出聲」、「點解我會喺香港搭巴士遇到啲咁嘅人」。
帖文在網民掀起熱議,網民都大呼嘔心,「在公眾場合撩鼻屎已經核突 , 仲要抹喺人哋件衫到,好嘔心」、「咁都做得出」、「鬧得好!我純睇文字都想嘔」;有網民則表示無奈,「香港變成咁」;另有人呼籲要團結,「唔可以放過,都唔知試過幾次,如果我喺度一定幫口話佢。大家要團結啲,唔好唔理。」