自私行為！
違例泊車已惹人討厭，藍田有私家車司機更停泊在巴士站，造成阻塞，逼使乘客走出馬路上車外；有途人不滿，怒罵司機是「自私精」並着對方離開，但司機不予理會，更用手提電話疑似反拍途人。事件在網上掀起熱議，網民都幾乎一面倒建議樓主報警，嚴懲司機。
資料圖片
有網民上周六（23日）在facebook群組「馬路的事討論區」上載照片和影片，可見一輛私家車停泊在藍田啟田道，近啟田商場對開巴士站。當時一輛巴士正要埋站，但因被私家車阻塞，只能停在馬路中心，候車乘客都要在兩車之間，走出馬路上車。
私家車司機阻礙巴士埋站上客，途人上前提醒，司機都沒有理會，反而拍攝對方。網上圖片
拍片者見狀忍不住即時批評該男司機︰「巴士埋唔到站呀，幾多老人家要行出馬路呀！你睇下啦！」、「呢啲咪自私囉，自私精！」拍片者與另一名途人罵了最少一分鐘，男司機仍無動於衷，最後更舉起手機疑似反拍攝對方。
當時有候車乘客都要穿過車與車之間才上車。網上圖片
帖文在facebook廣傳，網民紛紛指斥男司機無品︰「自私人真係無處不在，以為有幾個臭錢買部車就好巴閉，要重罰」、「不知所謂，垃圾。好彩冇輪椅客」、「呢個司機真係不知所謂」。有網民更認出該男子︰「佢喺大埔已經成日都四圍泊阻住交通」；另有人指片中巴士站位置不時有車違泊，「呢到日日啲車都咁泊，啲巴士都埋唔到站，雙黃都唔理」，形容今次只是冰山一角。
違例泊車惹人討厭，網民形容今次只是冰山一角。資料圖片
食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。
有食客光顧連鎖快餐店買外賣，驚見「超薄切吉列豬扒」。（FB圖片）
引網民揶揄「燈影豬扒」
照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。
有網民留言表示亦曾經中伏。（FB圖片）
又係連鎖快餐店出事，食客堂食「西多紙」
其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。
有另一食客遇上「西多紙」。（FB圖片）
網民笑「人情薄⋯西多仲薄」
帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。
網民分享「超薄叉燒」。（FB圖片）
有人分享「超薄紅腸」。（FB圖片）
帖文來源：Facebook群組「香港茶餐廳及美食關注組」
