嘉穎笑稱BB係頑皮仔，要甚麼就即刻要，遲少少會即刻叫，唔等得。
鄭嘉穎榮升父親後首次露面，他笑容滿臉的憶述迎接小生命的一刻，說：「入產房的情景仍歷歷在目，過程感覺既興奮又輕鬆，麻醉師是馬來西亞人，一見到我就問想聽甚麼歌？繼而播放輕快歌曲；剪臍帶的感覺是比我想像中『韌』，不容易剪，需要用點力。（有沒有喊？）自自然然就會眼濕濕，我和太太都好開心，有個好健康的BB。（BB似誰？）阿媽最初話似我，但愈大愈就愈似太太，現在又似我多一點；BB係頑皮仔，我叫佢做皇上，事關要甚麼就即刻要，遲少少會即刻叫，唔等得。不過BB未有淚線，我笑佢喊戲好差，但都好可愛，只係不管是換片、洗pat pat或沖涼，甚麼都要快，最高試過要換17條尿片！」
鄭嘉穎望住愛子Rafael好溫馨。鄭嘉穎ig
嘉穎謂有幫BB沖過涼，說：「第一次沖涼前都睇過陪月示範幾次才夠膽，有練習過。（會否因湊B唔夠瞓？）這個小朋友已經有5個人爭住湊，唔喊都爭住抱，我變了陪月員，陪太太坐月，不過我差不多要出關，因工作檔期排滿。（是否滿意太太上圍的升Cup？）多謝，點樣我都滿意；只係問過幾次太太想要甚麼獎勵？她都未答。」說到太太未坐完月就出關工作，嘉穎指這是對方的決定，當然想太太坐完月，但夫婦之間要互相尊重，大小事也會讓太太決定。
鄭嘉穎彈囝囝雖然喊戲差，但仍很可愛。
鄭嘉穎留言大讚囝囝：「佢握手好有力。網上圖片
鄭嘉穎對妻兒的呵護一百分。網上圖片
