公開撒嬌「要跟着老公」 靚靚開心黐Chilam甜蜜出巡

言出必行～

47歲的美魔女袁詠儀（靚靚），早前與老公張智霖（Chilam）相戀27年，上月是二人結婚18周年紀念日，帶同12歲兒子張慕童（魔童）飛去北海道度歲兼慶祝紀念日。雪地上，兩夫婦手拖手心連心，Chilam留言：「今天是2月8號，也是我們的結婚周年，我們一起看兒子學滑雪，足已！」甜到漏呀！

網上圖片

網上圖片

其後，夫妻檔亮相內地節目《妻子的浪漫旅行2》播出，節目中，一個人出走的靚靚似乎無預期中的開心，向鏡頭剖白時談到無丈夫在身邊的日子好不習慣，更忍不住喊說：「我一個人坐飛機我很不習慣，去旅遊，我覺得應該是跟我老公的，或是一家三口這樣，我這一次真的是一個人出來。」接着，眼泛淚光的靚靚更邊抹眼淚邊說：「我想跟他說，去完這一次以後，我不會再一個人去旅遊，我一定會跟着他，或是他一定要跟着我，他跑不掉這樣。」鏡頭的另一邊，Chilam看到太太落淚後亦變得嚴肅，還表示這刻最想抱住太太。

早前，為宣傳情人節播出的《妻子的浪漫旅行2》，Chilam揹老婆大晒恩愛。

靚靚在節目中，流晒眼淚話不會再一個人去旅行，要跟着老公。

日前，靚靚兩公婆拍拖到粵劇名伶白雪仙（中）家中食飯和玩牌，大歎好幸福。

愛老公愛到開口說永不分離的靚靚，日前就和Chilam拍拖行銅鑼灣。恩愛夫婦十指緊扣行利園，買了袋戰利品後，再繞手去買「叮叮飯」給乖仔魔童食。見二人在店內貼頭揀微波爐食品，靚靚手指指話阿仔鍾意食「叮叮飯」，Chilam就出手選了三盒，之後再買多樽XO醬，靚靚就負責付錢。

Chilam夫婦一齊27年好有默契，一個揀；一個拎，3分鐘走人。

47歲的童顏Chilam，托頭chok樣迷死人。

臨走前，女店員向這對星級夫婦「集郵」，見童顏Chilam揸機自拍，還笑到有酒窩，表現極度親民，絕對不是交行貨。離開時，逆齡靚靚就算發現記者都心情超好，露出燦爛的笑容，黐在Chilam身邊，溫馨放閃呀！

星級夫婦友善影合照，Chilam笑晒口揸機自拍，表現親民。

平日愛零妝出街的袁詠儀，皮膚白滑還多了一份少女味。看下她在型仔老公身邊，笑得幾冧滋滋！

靚靚和老公着晒藍色tone情侶裝繞手行街，好閃呀！

詹瑞文揚言《即興之王》至少都會做100場，更希望可以將演出帶到去星馬、美加等地，同當地華人或者香港人一同分享！

詹瑞文（Jim sir）一共六場的單拖喜劇《即興之王》於日前完滿結束。闊別舞台8年，Jim sir很開心今次6場演出能順利完成，更於完show後，「即興」宣布馬上籌備Round 2！

Jim sir 6場《即興之王》順利完成。

Jim sir表示：「我真係好開心，好感恩啲觀眾好投入，同埋大家由世界各地不同嘅地方，飛嚟支持我。呢個係我人生中同事業中都好重要嘅一個作品，所以我響度宣布，我個show係唔會只做幾場嘅，至少都會做100場，呢個係我一個願望，而我呢個願望亦一定會成真。今年希望呢個show，可以帶到去星馬、美加等地，同當地華人或者香港人，一起分享呢個快樂！」

Jim sir好感恩觀眾好投入。

更揚言會做100場。

更希望將《即興之王》帶到星馬、美加等地，與當地華人及香港人一同分享。

Jim sir的演出得到不少藝人的支持，包括陳煒及老公陳醫生、姚子羚、何超儀及老公陳子聰、江若琳及老公Oscar、廖碧兒、林盛斌等，每位藝人完騷後，都對Jim sir的演出及即興之王整個show讃不絕口。甚少在香港露面的陳小春亦特別前來支持Jim sir ，更對Jim sir的演出讚口不絕，小春謂：「Jim sir響台上做緊咩，我就完全跟曬入去佢嘅世界去睇，好enjoy呀！」

廖碧兒

林盛斌

陳小春

而大多數與太太袁詠儀，一齊出現的張智霖，今次跟他結伴來睇show的，竟然換成甚少公開露面的兒子張慕童（魔童），魔童對這位「即興之王」的表現相當滿意，因為在這兩小時半的演出 裡，魔童多次睇到拍爛手掌兼開懷大笑，見到Jim sir扮女人以「moment姐」身份在台上玩做直播，整part演出魔童都笑過不停，當Jim sir即興坐在一位男觀眾的大脾上時，魔童更突然將雙手捉緊爸爸Chilam的右手，兩人「十五指緊扣」起來，父子倆都睇得相當肉緊，表現興奮！Chilam 謂：「Jim sir好有活力，我嚟學下嘢！好enjoy 、好chill，希望Jim sir做多啲，大家又睇得開心喲！」

張智霖與囝囝張慕童

魔童好滿意Jim sir扮女人「moment姐」。

魔童睇到笑唔停。

仲同爸爸Chilam「十五指緊扣」。