*

upload_article_image

認與陳瀅已無聯絡 陳家樂自爆心有所屬

家樂話願意等心儀的對象16年。

陳家樂早前出席「大家樂-區區開年飯」盆菜宴,與公公婆婆齊齊開餐,席間遇到同鄉里勁開心。談到緋聞女友陳瀅跟他劃清界線,他亦承認因在內地忙拍電影《緊急救援》,好多朋友都無聯絡,更笑言自己已心有所屬,就是早前在網上向他示愛的衛詩雅侄女星星,還表示等16年後再跟她一齊。 

家樂自言好鍾意參與這類貼地活動,帶畀人開心,自己都開心。

早前衛詩雅將侄女星星向家樂示愛兼求婚片段放上社交平台,家樂即回應「我戀愛了!」及分享。

 

自小由嫲嫲湊大的家樂,自誇好識跟老人家相處,所以盆菜宴玩得很開心,「嗰時嫲嫲帶我去飲茶,慣咗同老人家傾偈,仲學埋台山話,今次都遇到啲鄉里,同啲老人家用台山話傾偈好開心,同埋中國人一齊食飯係溝通最好方法,作為演員亦係觀察取經好機會。」

家樂陪一班老人家食盆菜,講埋台山鄉下話份外開心。

 

談到跟陳瀅因拍劇集《廉政行動》而傳出緋聞,但女方早前接受訪問時與他劃清界線,表示完劇已沒再聯絡,家樂亦承認是事實,「我呢排大部份時間都喺內地拍電影《緊急救援》,好多朋友都冇聯絡,新年只係返咗嚟一日,只係去咗衛詩雅屋企,因為佢侄女好掛住我,佢早前仲喺網上同我示愛,我都好鍾意佢,我會等16年後同佢一齊,哈哈!不過真係好開心小朋友咁鍾意自己,證明電視劇嘅威力真係好大。」

早前家樂跟陳瀅因拍劇集《廉政行動》而傳出緋聞。

 
 
 
 
 
View this post on Instagram
 
 
 
 
 
 
 
 
 

我戀愛了😘😘😘 @michellewsn 我同你做親戚啦! #家樂奶奶 #等你20年

A post shared by Carlos Chan 陳家樂 (@carlosbb) on

 

講到前度女友余香凝獲金像獎三項提名,包括女主角、女配角和原創電影歌曲,家樂謂所有獲提名又識得的朋友都有送上祝福,更想有朝一日自己有上頒獎台機會,「呢個唔係為咗自己榮耀咁簡單,而係想借呢個平台多謝好多一直支持自己,以及幫過自己嘅家人同朋友。」

家樂因劇集《逆緣》「爺爺」一角形象太入屋,連小朋友都迷上他。

農曆年後,家樂大部份時候在廈門及福州為電影《緊急救援》開工。