Skip to Content Facebook Feature Image

周錦輝: 博彩業多開放有競爭才有進步

澳門事

周錦輝: 博彩業多開放有競爭才有進步
澳門事

澳門事

周錦輝: 博彩業多開放有競爭才有進步

2019年03月14日 12:31 最後更新:13:04

更多競爭是好事

資料圖片

資料圖片

澳門勵駿聯席主席、執行董事兼行政總裁周錦輝被問及是否有意競投賭牌時表示,在營商角度他是否競投屬私人利益,亦須視乎政府開出什麼條件才有決定;若在專業角度來看,他認為多開放、有競爭才有進步。他又希望,政府可多諮詢如旅遊業界等有關賭牌問題,多吸納不同界別意見。

周錦輝認為,未來澳門博彩業需整合交通運輸發展,同時打造 “澳門品牌"博彩業走出去,他稱,拉斯維加斯的博彩業是作為龍頭產業帶領其他產業發展,澳門博彩業亦應如此,並非一業獨大。

往下看更多文章

兩個硬任務要執行

2015年03月05日 12:46 最後更新:13:02

兩會喺北京召開,中央港澳工作協調小組組長張德江對港澳政協委員發言,提到澳門時講到三點希望同兩個硬任務,三點希望就比較大路啲,香港澳門都通用,包括全面準確理解一國兩制、基本法、發展經濟改善民生,以及遇事有商有量咁。

我就覺得兩個硬任務雖然唔可以話係新,但就突出中央要求澳門做嘅事情。第一係經濟多元化,第二就係青少年教育。記住阿爺話係硬任務,意思就係必定要做得成,無轉圜餘地,唔好諗住有得講價。

兩個硬任務,一個經濟、一個政治,經濟多元化已經提到好高的高度,原因係如果澳門過度偏向博彩業,經濟發展將不可持續,阿爺雖然無講到出口,但佢已有清晰政策,唔會任由大量資金流失到澳門。據一啲內部評估,過去高峰期每年有八千億人民幣,喺明喺暗的渠道流向澳門。

如果只流向博彩業而言,由於一半賭收流入外資之手,即係話流出去的錢,有一半係俾外國賺咗。你話阿爺會唔會容許呢個情況繼續落去?甚至容許流出的錢愈來愈多呢?

既然阿爺打貪打得咁劇烈,本身已經影響到流向澳門賭博的資金,再加上阿爺睇住啲錢嘅流動性嚟管理,恐怕澳門如果單純仰賴博彩收入,呢個增長方式將不可持續,所以阿爺多方鼓勵澳門要搞多元化經濟發展。

另外就係青少年教育,呢樣嘢係政治性,不論澳門抑或香港的情況都說明咗,搞青少年愛國主義教育刻不容緩,澳門舊年的「離保法」風波,搞到大批市民上街,網上反對政府聲音強烈,澳門之後到香港佔中,更加有幾十萬人佔領街頭。阿爺唔想今天香港的情況,明天蔓延到澳門,阿爺對香港情況的總結,主要係無搞好國民教育,青少年愛國心不強,既然如此,梗係唔希望澳門出現相同情況,所以搞好青少年愛國主義教育可能係澳門未來重點課題。

澳門各界人士睇住阿爺打「開口牌」,講出兩個硬任務,大家就要識執生,避重就輕,順住國家政策做事,就會得到更好結果。