Skip to Content Facebook Feature Image

港媽嫌菲傭英文有口音 網民:幾千蚊想請十項全能

社會事

港媽嫌菲傭英文有口音 網民:幾千蚊想請十項全能
社會事

社會事

港媽嫌菲傭英文有口音 網民:幾千蚊想請十項全能

2019年03月14日 18:06 最後更新:18:18

請工人定請英語教師?

講非母語語言帶有口音並不出奇,但有媽媽就在網上公開批評其菲傭口音和語法,並舉例指對方將「Apple」 讀成「啊蒲」、「Mango」讀成「炆go」,直言擔心自己兒子長時間與菲傭一起,「會學到佢啲衰野」。帖文掀起熱議,有網民認為「你自己咪又係港式英語,仲好意思笑人哋菲律賓英語」;亦有網民斥樓主「嗰幾千蚊,想請個十項全能」。

有港媽發帖,嫌菲傭講英文有口音。資料圖片

有港媽發帖,嫌菲傭講英文有口音。資料圖片

有網民在facebook群組「外傭僱主必看新聞訊息」發帖,問「其實係咪每個工人(菲)啲accent(口音)同grammar(語法)都係一擔擔?」。她舉例,菲傭將「Apple讀啊蒲/april、Mango讀炆go、Bath讀but,仲有好多,多不勝數,頭先聽到佢socks讀咗suck,忍唔住出post,我出聲糾正佢就西臉」。樓主指,BB與菲傭接觸時間較多,擔心BB會學到菲傭帶口音的英文,「我已經盡量抽時間去對返BB,講多啲野,真係好擔心會學到佢啲衰野」。

帖文引來不少網民批評,有網民認嘲樓主將菲傭當成「外籍家庭教師」,並認為「工人英文唔好係正常」、「 膠 post,唔通工人投訴你講廣東話唔純正咩」、「你真係有自信認為自己教嘅英文好啲?」、「樓主好厚面皮。4000元做工人又做埋老師。仲好意思嫌人發音唔正,你出4萬請人咩?」。另有網民指「 口音嘅嘢,我哋嫌棄佢,外國人都係嫌棄我哋,佢做好你最想佢做嘅工作80%已經ok,如果可以當然唔請自己湊返最好」,勸喻樓主應尊重對方。

往下看更多文章

婚後供養同住奶奶大伯卻遭針鋒相對 港媽更因丈夫1反應感無助

2024年03月28日 12:35 最後更新:14:54

港媽婚後要與奶奶及大伯同住,剛要負擔家中大部分開支,但兩人不但不體諒更處處挑剔,令她心情抑鬱。

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

有港媽婚後要與奶奶及大伯同住,亦要負擔家中大部分開支,但兩老不但不體諒,更處處挑剔,令她心情抑鬱。示意圖

該港媽於「親子王國」討論區以「結咗婚,就要養埋99同大伯?」為題發文大呻,表示婚後夫妻二人與奶奶及大伯同住,原本以為這樣的生活會和諧平穩「其實2公婆,大家做咩職業,搵幾多,冇計,只要大家互相支持,開心平淡生活就ok。一直抱住咁心態,所以結婚就同99,大伯住」。

不過相見好同住難,日子耐了,樓主開始發現奶奶及大伯的言行和性格令她感到極度困擾「住落佢地自己咩都係岩,人地永遠都為錯」。她指兩老經常以燒味或燒烤醃製的食物當晚餐,但當她購買外賣時,卻被批評不健康「我跨區返工,返工連車程都成12個半鐘,真係冇時間煮飯買餸」。樓主又憶述,新年時,娘家的親人到訪拜年,奶奶及大伯竟當面嫌棄親人準備的禮盒「喺我面前話唔鍾意,一d都唔理人感受」。

(Getty圖片)

(Getty圖片)

此外,樓主夫妻除了支付家庭的租金、水費、電費和上網費等基本開支外,還需要支付給奶奶湊孫的費用。相比之下,大伯只支付不到家庭開支的五分之一,這讓港媽感到相當不滿和委屈「我咁辛苦返工,要養一d唔適體諒,永遠都話你點點唔好既人,值得咩?」

雖然樓主與老公有能力搬出去住,但老公擔心兩老無法自理而拒絕搬離「我地2公婆絕對有能力自己搬出去住,只係剩返99同大伯,老公擔心佢地攪唔掂自己,所以暫時唔想搬開」,為此她感到非常抑鬱「真係好辛苦,努力辛苦返工,就係為佢地付出,值得咩?我又唔想決絕到自己帶亞b走。可以點做?」

Getty圖片

Getty圖片

帖文曝光後,不少網民認為如果有能力,就不應該繼續同住。奶奶及大伯都是成年人,應該能夠自理,而且可以考慮搬到附近,方便照應。有人認為只要每月給予固定的家用,就不算不孝。有人則建議她應該堅持自己的決定,不要忍受不公平的對待,並且應該與老公好好溝通,找到解決問題的方法。

帖文來源:「親子王國」討論區

你 或 有 興 趣 的 文 章