*

upload_article_image

單身「靚湯」白色情人節約朋友食飯 自爆收錯花空歡喜一場

都叫做收到吖......

朱千雪跟湯洛雯到薄餅店活動擔任嘉賓。談到兩人的廚藝,湯洛雯(靚湯)稱有入廚習慣,最近剛好研究薄餅,而最拿手就是做芝士蛋糕。不過,朱千雪坦承自己廚藝麻麻,只試過以較簡易方法製作果撻。

朱千雪(左)同湯洛雯齊齊出席宣傳活動。

湯洛雯(左)話最近剛好研究薄餅。

談及今日(3月14日)是白色情人節,朱千雪說:「係咩?我男朋友唔喺香港,我一陣send個訊息畀佢。」至於回復單身的湯洛雯,透露晚上會跟朋友們食飯。

朱千雪又透露,情人節有送花給好姊妹湯洛雯及岑杏賢。湯洛雯笑說:「情人節收到花,卡入面寫住類似『送給我瘋狂的情人』,我諗來諗去都唔知邊個,最後打去花店問,原來佢地調轉咗束花。」

朱千雪坦承自己廚藝麻麻。

湯洛雯早前收到花,卡入面寫住類似「送給我瘋狂的情人」,最後發現是花店送錯。