為囡囡搞百日宴祖藍妙語冧亞男：王家因你而改變

HotTV

為囡囡搞百日宴祖藍妙語冧亞男：王家因你而改變

2019年03月18日 12:34 最後更新：16:49

囡囡都係似媽媽好啲～

王祖藍與李亞男昨日（17日）在迪士尼筵開逾四十席，為寶貝女Gabrielle　舉行百日宴，並「懇辭賀禮」，將所有人情轉贈慈善機構Lifewire，幫助香港的罕有病兒童。

昨日赴會群星眾多，包括祖藍好友蔡少芬一家四口、鄧萃雯、郭晉安與囡囡、阮兆祥、苟芸慧夫婦、方力申、羅敏莊一家三口、陳爽、林欣彤、陳嘉佳、梁嘉琪、何遠東、陳豪一家五口、薛家燕、羅蘭姐、林盛斌太太及四位小朋友等。

祖藍與亞男上台致謝辭時表現興奮，除了表情多多，更即席宣布愛女的中文名字：「我拍緊《你咪理》嘅時候，阿女只要一聽到戲入面嘅音樂，就會踢佢媽咪個肚。我覺得佢係天上嚟嘅音樂，所以佢個名係叫做王天韻。」

事後，祖藍與亞男齊齊受訪，祖藍笑言十分感恩女兒愈大愈似太太：「我好開心，初初BB出世時未收水，好似我咁一PAT嘢。但後來佢收水後，我就感恩佢愈嚟愈似我老婆。其實我啲DNA都好強架，估唔到輸咗畀太太。」亞男即笑指祖藍應感激她，祖藍聞言搞笑大派冧招謂：「好多謝你呀！王家因你而改變！醫生仲話，我個女喺同齡嘅BB嚟講算係高架！」

乖巧的Gabrielle雖然接連要跟大批賓客朋友合照，但全程未有扭計，但向來愛錫囡囡的祖藍及亞男，一見愛女打呵欠即著陪月姐姐帶女兒返回「公主房」稍事休息，並拿出大批1比1紙版囡囡「頂更」，氹得賓客朋友十分開心，更大讚紙版Gabrielle可愛度不輸真人。

往下看更多文章

《福祿壽訓練學院》「真假麥玲玲」恍如孖生姊妹勁吸睛 82歲盧海鵬獲頒榮譽博士分享7字真言扮嘢心得

2024年04月12日 15:49 最後更新：16:02

盧海鵬獲頒榮譽博士！

由阮兆祥、李思捷、王祖藍主持的扮嘢真人Show《福祿壽訓練學院》於4月14日晚上播出第三集頒獎禮篇，由3位導師及24名學員攜手炮製一個既土炮又多元的頒獎禮，大會發布頒獎禮嘉賓陣容，82歲「扮嘢界始祖」盧海鵬獲頒榮譽博士。

是次頒獎禮嘉賓名單如下（排名不分先後），有負責頒發「年度電視演員」的「真假麥玲玲」，除了有如假包換的麥玲玲，還有阮兆祥扮演的「麥靈靈」；負責頒發「年度歌手」的「剛氏三兄弟」，除了有金剛、還有李思捷的「銀剛」及學員王玲扮演的「彭剛」；負責頒發「年度電影演員」的紂王及妲己，由王祖藍及細細粒分飾。3組頒獎嘉賓之中，以「真假麥玲玲」最為搞笑吸睛，雖然祥師兄與玲玲姐身高方面有很大差距，但向來扮女人有一手的祥師兄，不但「神還原」玲玲師傅經典造型，就連笑容都學到十足十；除了頒獎，二人還會在台上表演「神算大激鬥」，娛樂性豐富。至於成功減掉超過100磅的細細粒，則會以經典古裝美人妲己造型亮相，細細粒除了大晒銷魂鎖骨展示瘦身成果，更會連環大擺嬌俏甫務求做出妲己神髓，認真不足、搞笑有餘。細細粒受訪時，興奮表示身上所穿戲服，是當年溫碧霞的戲服，並開心地表示：「我唔敢相信可以著得落，仲要有鬆添！」更邊說邊展示戲服衣領上的「溫碧霞」名牌。

表演嘉賓方面，《福祿壽訓練學院》將大玩自抽，由Professor Fuk阮兆祥率領學員「一人Avantgardey」黃建東、「大坑小G」葉泓聲、「光B女」關嘉敏、「買一送一」吳兆麟、劉倬昕、「HK. MR BEAN」黃潤成、「還珠攻略」王玲及「廣州暴龍哥」陶大衛組成9人男團「Kowloon」，跳唱《亞洲超星團》主題曲《閃耀/Shining》，除了舞步手勢跟到十足十，更「神還原」重點神髓韓式呼吸，搞笑度爆錶。據知，祥師兄及一眾學員對是次表演相當重視，眾人由鎖定組成「Kowloon」開始，已日以繼夜為歌曲綵排。祥師兄笑言由於想認真跳，故與學員們一連十數天由晚上六時排練至晚上約十一點，獲工作人員力讚認真程度媲美台慶。

除了扮嘢兼搞gag，頒獎禮篇還有感人環節，就是「扮嘢界始祖」盧海鵬獲頒「福祿壽訓練學院榮譽博士」，製作組除預備了長約2分鐘的鵬哥經典扮嘢造型回顧影片外，福祿壽三位導師更會以鵬哥三個經典扮嘢造型亮相致辭及表演向鵬哥致敬。82歲的鵬哥依然相當玩得，上台領獎時不忘搞Gag兼開心謂：「喺TVB做咗好多年架喇，但係始終都冇獎項呀，點知依家我唔撈咁耐喇，佢又記得喎。」，並大拋7字真言扮嘢心得。三子完成表演後，聯同一眾學員齊齊向鵬哥送上「福祿壽」小豬公仔，全場掌聲如雷，配以鵬哥開心的表情，場面感人。

你或有興趣的文章

為囡囡搞百日宴祖藍妙語冧亞男：王家因你而改變

HotTV