不少網民不滿港媽「去到日本都公審 」，將劣質讓坐文化帶到外國。
網上公審年青人沒有讓座時有發生，但有港媽竟將此文化帶同日本！該港媽在facebook群組發帖公審，稱在大阪搭地鐵時，抱着小孩都沒有人讓座，後生仔亦坐滿優先座。但港媽「取暖」失敗，更被網民炮轟「將劣質本土文化輸出國際」，有網民亦指日本人不會讓座，建議對方先了解當地文化，「你呢啲執著唔係世界通行架」。
有港人發帖公審日本人無讓座。
有網民在facebook群組「大阪親子遊」上載照片，可見有乘客坐在優先座。發帖者指，自己身在大阪，「搭咗幾日地鐵，啲關愛座被啲後生仔坐晒，我哋抱住個小朋友，完全無人讓座...」。
帖文掀起熱議，有網民不滿港媽「去到日本都公審 」。
帖文掀起熱議，更有網民截圖轉載至其他群組。有網民不滿港媽「去到日本都公審 」，問道：「做咩事要將啲劣質讓坐文化帶到人哋國家」、「唔好講文化...人哋辛苦返工，可能都唔知幾時放工，而妳...係來旅遊的」。另有人指出日本人不會讓座，原因是怕對方覺得尷尬，「大肚婆定老人家都唔會讓座，更何況小朋友」、「我喺東京試過讓座畀大肚婆，佢好唔好意思地坐」，建議港媽先了解日本文化。有網民則慨嘆：「香港其實都冇讓座文化，現在係被逼變成讓座文化囉」。
資料圖片
灣仔有餐廳免費開放店面給DSE學生作自修室溫書，更送贈飲品及甜品。網民感動表示：好有愛！
(FB截圖）
灣仔餐廳下午茶時段免費開放，予DSE考生作自修室溫
該灣仔餐廳於其Facebook專頁發文，表示要為考試而努力準備的學生們打氣，宣布在下午茶時段免費開放餐廳，供考生們作自修室之用。餐廳指下午時段餐廳較為安靜，而且場地寬敞，非常適合考生溫書。
「如果搵唔到地方溫書，上嚟我哋餐廳，橫掂呢個時段我哋係冇用嘅，唔好嘥咗佢，介紹返，我哋地方好大，只係想陪你一齊考試！」
（FB圖片）
餐廳提供免費飲品及甜品
此外，只要出示學生證，學生即可享一杯免費飲品及一份甜品「只要你出示學生證上嚟溫書，(唔一定只喺應屆考生），不論咩年紀，總之你係學生，真心支持你你同你，所有嘢都免費⋯ 」餐廳更窩心表示「唔使擔心呢個係廣告⋯盡用啦，唔使擔心，上嚟溫書，上嚟做project，想陪你一齊渡過呢一關」。
（FB圖片）
網民大讚：「好有愛！」
網民得知這個消息後，紛紛大讚餐廳暖心之舉「好有愛，謝謝」、「不得了 ，我見到好大嘅愛」、「一間咁有愛嘅餐廳，值得大大力幫襯支持，老闆好有愛」、「借地方已經好好，仲免費又飲又食」、「多謝你哋嘅善良同慷慨」、「好窩心，DSE 同學加油」、「多謝你哋~好有心！假期我會嚟幫襯！」、「多謝你們對學生的支持！有心已經好好，仲要咁貼心準備飲品同甜品！好窩心呀！Love」。
（FB圖片）
ULURU HK優惠詳情
地址：香港灣仔春園街1-11號春暉大廈1樓
開放日期: 由即日起 (逢星期一至星期五)
開放時間: 2:30 -5:30 pm
免費食品︰凡出示學生證，即可得一杯免費飲品及一份甜品(蘋果金寶/ 朱古力脆脆慕絲 / 意大利芝士杯 / 士多啤梨奶凍；4款任選一款）
帖文來源：Facebook專頁「ULURU HK」
