的士內倒瀉粥再遺電話獲好司機打救 論盡乘客：佢好似天使

無收電話贖金還拒收清潔費，真係萬中無一好司機！

資料圖片

的士司機態度不時成為熱話，但其實也不是一面倒「劣評」。有的士乘客分享，不小心將粥倒瀉地上，正當她擔心被司機責罵，猜想要付多少清潔費之際，司機竟表示「唔使收」。乘客其後又發現手提電話遺留在車廂，聯絡上司機並取回後，對方不但拒收報酬，更主動問是否需載她回公司。乘客形容「人間有愛」，又大讚司機「好似天使一樣」。

女乘客大讚的士司機「好似天使一樣」。資料圖片

有女網民昨在facebook群組「To Kwa Wan 土瓜灣之友」發帖，指搭的士上班時帶着一煲粥，當的士轉彎時煲蓋飛脫，粥倒在整條褲上和地氈上，「當時已經好驚慌，一嚟整污糟咗人哋架車，尤其係一格格嗰塊地氈...想幫佢抹番乾淨都抹唔到」。所以在下車時，樓主即忐忑地向司機表示歉意，「唔好意思吖，我整污糟咗你架車，你收番我幾多清潔費？」，詎料司機稱不用額外收費，「我又真唔好意思，最後一番推搪同道歉後，我畀咗張$100叫佢唔洗找（車資為$26）」。

正當樓主回到公司以為事情告一段落之際，她卻發現將手提電話遺漏在的士內，「呢個驚嚇仲大過一褲都係粥，內心又緊張會唔會熄咗機呢，會唔會有客上咗執咗呢」。樓主隨即致電自己，慶幸司機接聽，最終成功取回電話，「司機無收我贖金，仲問我遠唔遠，洗唔洗車我返公司。」樓主表示，可惜沒有記下司機名字，但仍想表揚對方，「好感恩我遇到好似天使一樣既司機大哥」，又承諾「畀我再遇到你一定請你食飯」。

女乘客事後在fb分享好人好事。fb群組「To Kwa Wan 土瓜灣之友」。網上圖片

帖文獲不少網民讚好，稱讚司機「堅好」，形容是「好人好事」。有網民笑言是「論盡乘客遇上萬中無一好司機」、「好司機遇到好乘客」、「少有咁好嘅司機」，另有人祝福司機，並認為「有部份的士司機真是好的。

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區