*

upload_article_image

遙控車行馬路被私家車輾毁 「苦主」發文搏同情反遭譏諷

噢,快點去claim保險啦......

車主遇交通意外後報警是正常做法,但如果是「遙控車」車主又應如何處理?有網民發帖炮轟私家車司機在馬路撞倒到其丈夫的遙控車後,想不顧而去,而且堅拒道歉和賠償,更怒罵:「如果嗰架唔係遙控車而係貓狗小動物,你呢啲冷血嘅人都會照碌照過!」發帖者結果被網民圍轟,「自己喺馬路玩遙控車仲要人哋賠」,終刪帖圖了事。

遙控車「車主」老婆其後刪去帖文,但被網民截圖。

該女網民在facebook群組「巴打絲打 Facebook Club」發帖指,昨晚(19日)10時許其丈夫邊玩遙控車邊準備橫過馬路時,遙控車遭一輛私家車輾過,怒斥司機「你離遠成條街嘅街尾距離,話唔見架遙控車喺條小路度橫過緊馬路,仲要揸到街頭都照碌過架車,碌完仲想走,如果唔係我先生攔住你,你一定會走!」。

遙控車被碌過。

樓主續說,私家車司機隨即報警,聲稱「見唔到仲要唔肯和解唔賠錢,你唔賠錢都算,仲要一啲道歉都無。」她相信,「如果嗰架唔係遙控車而係貓狗小動物,你呢啲冷血嘅人都會照碌照過!」

遙控車「車主」老婆發帖炮轟私家車司機想不顧而去。

帖文其後惹來不少網民批評,雖然樓主已刪帖,但已被網民截圖並在多個群組廣傳。大部分網民都留言,認為是「今日聽到最好笑嘅笑話」、「先頭以為搞gag,點知真係搞gag」,「想像到Audi車主報警嗰刻有幾無奈及吹漲」。另有網民問是否「遙控車碰瓷?」亦有人批評遙控車主太太蠻不講理,「遙控車點可以同貓狗相提並論,首先貓狗體積大過遙控車,其餘果啲唔係死物,司機處理方法應該會有唔同」,並反問「馬路上玩遙控車合法嗎?」