閃婚偕老公住新屋佔大房連登仔指家姐竟要阿媽排公屋

社會事

閃婚偕老公住新屋佔大房連登仔指家姐竟要阿媽排公屋

2019年03月21日 15:06 最後更新：03月22日 08:48

為了層樓，親情都不要......

房屋問題困擾港人多年，不少人從小至大都沒有自己空間。有連登仔與母親、姐姐住在不足200呎單位，為改善居住環境，打算與一家三口一起供一個400呎單位，但其姐姐突然稱要結婚，丈夫會一同搬到新居，更要母親申請公屋，令兩人關係決裂，該名連登仔更祝姐姐「結唔成婚」。

連登仔「槓上開花」在討論區以「我家姐突然話下個月結婚。家變」為題發文，指他前兩個月與家人一家三口相中一個約400呎單位，打算三人一起供樓，「因為依家一家三口住200呎都無，屋企得一間細房，個廳放咗張碌架床，之後已經冇晒活動空間，仲住咗八年，住得真係好辛苦，所以想住好少少。」

他原打算自己出一半首期，姐姐和母親一人一半，當他以為計劃順利進行時，其姐姐突然表示下個月要結婚，未來姐夫會同住，「我咪話400呎住4條友劏三間房會住得好辛苦，我家姐竟然話老母到60歲去排公屋好快有，我嬲到一個點，我同家姐罵大交仲差啲開拖。」

「槓上開花」對此嬲爆，「我心諗妳結婚要我同阿媽貼埋大床俾妳老公，樓我哋有份供無份話事，妳兩公婆塊臉皮成尺厚，完全無考慮過我同啊媽嘅感受，屋企已經唔係大，得400呎仲要劏三房，你竟敢死打算霸一間大嘅主人房，我真係完全無語。」

他認為未來姐夫無承擔，批評他沒有計劃，「但男方起碼都要有計劃，無計劃就學人結婚，自己無學歷、無工作資歷，又要無儲蓄，咩都靠自己老豆老母，條友做個裙腳仔同佢老母睇街市舖，好食懶做，好心你唔好害人。」

往下看更多文章

快餐店逆市出奇招推「薄切豬扒及西多」引網民紛紛曬「超薄系列餐點」

2024年04月24日 12:30 最後更新：13:06

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。