孖劉浩龍為上海寵物生活館剪綵 薛凱琪抱貓狗歎咖啡好享受

Fiona坦言跟動物工作最開心。

「貓奴」薛凱琪（Fiona）、劉浩龍（師兄）、灰熊和太陽娛樂高層黃柏高等日前飛到上海，為一站式中高檔寵物美容及coffee shop概念店「OwOh寵物生活館 & O COFFEE」隆重開幕做剪綵嘉賓。席間，露腰打扮的Fiona除與大家分享養寵物心得，當見到店內可愛的貓貓狗狗即興奮大叫「好可愛！」再逐隻輪流攬抱影靚相。

開幕當日，太陽國際主席鄭丁港和太太楊素梅（右三、四），率領Paco（右五）等人剪綵。

位於上海楊浦君庭廣場的「OwOh寵物生活館」，由太陽國際主席鄭丁港（港哥）斥資開設。開幕當日非常熱鬧，除港哥太太楊素梅親臨外，其好友Paco亦率領愛將Fiona、師兄和灰熊三位藝人來撐場。剪綵完後，眾人隨即參觀達七千呎的生活館，一樓提供咖啡及甜品的同時，更有萌寵陪伴；二樓有專業的寵物護理師，提供寵物護理及訓練等服務。

灰熊(左)謂好鍾意「chill住飲咖啡同寵物玩嘅感覺。」

Fiona和師兄品嚐拉花咖啡。

養貓多年的Fiona見到現場的可愛寵物，搵埋師兄不停抱貓狗合照，愛心爆棚。Fiona表示：「我特別喜歡小動物，因為牠們比較單純，我的夢想就是開一個農場，裏面可以養一些貓貓狗狗。所以OwOh的模式特別好，可以帶自己的貓狗來體驗。」連無養小動作的師兄亦受感染，大讚新店環境優美又好relax，可以介紹俾圈中狗奴好友許志安、陳奕迅夫婦等，讓他們來上海時，有多一個「打卡聖地」。

Fiona和劉浩龍抱住貓狗係咁玩。

Fiona和劉浩龍，在老闆楊素梅（右）陪同下接受訪問。

早前，師兄在會展的寵物展，為寵物交友app攤位做星級主持。

Edward Chan聯乘不同年代風格歌手同台創造新驚喜。

由Katch 音樂娛樂平台冠名贊助、光尚娛樂主辦，著名音樂監製Edward Chan（陳浩然）將於今個月23及24日假亞洲國際博覽館舉辦《Blueprint of Memories, by Edward Chan》首個音樂作品展，回顧過去他音樂事業同時，也展示他在音樂上的不同面向。作品展上除有實力代表陳柏宇、林奕匡、方皓玟、Dear Jane外，新世代歌手則有黃妍、葉巧琳、姜濤、呂爵安、盧瀚霆及Daniel Toh，唔少得還有與Edward識於微時的側田、林一峰、薛凱琪及衛蘭，Edward更爆出與眾人合作間的親密關係。

音樂監製Edward Chan將於今個月23及24日舉行首個個人作品展，每晚超過十位歌手輪住唱大熱金曲，包括與他識於微時的側田。

還有衛蘭。

與歌手合作不論是創作或是監製，Edward都全身投入去了解歌手，由傾偈溝通再一步步走入錄音室完成作品，一點一滴與各人建立互信及超好友關係，好像林一峰，音樂工作上支持和信任Edward外，連Edward的感情生活同樣關心，由拍拖到結婚，林一峰見證Edward在太古坊彈琴求婚的情景，而不少快歌由Edward包辦，包括《唇印》、《小峽谷之1234》 的薛凱琪Fiona，令Edward最難忘是，自認嚴肅的他與Fiona錄《唇印》時，被她的性格、舉止影響，竟然在錄音室一齊跳唇印舞，而側田在Edward面前更是毫無顧慮，Edward說：「因為想錄音時特別有感覺，側田將錄音室燈全熄再除衫，感覺係特錄音以來最赤裸一次，所以都好期待作品展上佢現場又會點演繹？」而久未在香港演出的Fiona，直言心情興奮，說：「好耐冇係香港唱歌，好興奮，同Edward又合作過唔少作品，佢打畀我話開作品展，我本身想唱晒兩場，但24號有工作又要飛，冇辦法。」

Edward大爆與薛凱琪錄《唇印》時，被她的性格、舉止影響，竟然在錄音室一齊跳唇印舞！

林一峰見證Edward在太古坊彈琴求婚的情景。

至於為了這兩晚的作品展內容，Edward打從落實歌手名單後已開始籌備。作品展舉行在即，Edward亦率先透露部分內容，說：「兩晚會合共60首歌，當中三分一有某程度嘅改編，有一啲會想保留原裝感覺，但改由另一個歌手演出，亦有同一個曲目但兩晚由唔同人演譯，而最重份量嘅賣點，應該係歌手間嘅合作，我嘗試將個性相近但唔同年代的聯乘、亦有一啲散發到一種畀我感覺類近嘅歌手，透過合作而衍生更精色嘅表演，當然有大家諗到嘅組合，但同台嘅演出又會係大家意想不到，所以我都幾有信心畀到驚喜大家。」而據知歌手聯乘破格演出外，Edward每晚還邀請了一位神秘歌手上台獻唱，以令作品展更豐富更圓滿，觀眾更驚喜和開心。

Dear Jane