*

upload_article_image

不怕做蝕本生意 元朗的哥︰由佢啦果30蚊

元朗的哥好豪氣!

有元朗網友昨日乘的士前往天水圍西鐵站,遇上超級好人的士司機,不但親切地讓提供路線選擇,當發現無零錢找續時,更豪言「由佢啦果30蚊」,主動提出免去29.5元的車資。樓主不忍的哥「做蝕本生意」,索取銀行帳戶資料後即到櫃員機轉帳。

乘客下車後後立即過數。網上圖片

遇上如此好人好事,這位幸運乘客昨晚特地在facebook「盡在元朗」附上對答實錄,大力表揚這位服務態度超佳的士司機。聞得如此窩心的乘車經歷,網民都大讚充滿人情味,又指香港還有很多有良心的人。
 
好人好事對答實錄:

「我:唔該天水圍西鐵站呀!
的士司機:你想行左邊定右邊?左邊短啲,右邊長啲但得一個燈位!
我:咁右邊啦,快啲嘛
的士司機:貴小小你唔介意嘛?
我:唔緊要

到站後我比錢,我得4張$100同1張$500

的士司機:唔好意思呀先生,我頭先找晒比啲客呀!你有無散裝紙?
我:我無呀!咁點好呢?你有無香港支付寶/微信/payme?
的士司機:我無呀!咁由佢啦,果30蚊
我:唔得,點可以做蝕本生意嫁,你有無銀行戶口嫁,我而家打比你先,咁你有我電話號碼,一陣我過返錢比你。
的士司機:我得恒生
我:好呀,唔介意我影張相嘛?
的士司機:好呀,唔該你

轉賬單據。網上圖片

一落車我就係西鐵站過左$40比佢(車資為$29.5)

我:喂,司機,我過左錢比你啦
的士司機:多謝呀!」