新歌邀30粉絲獻聲獻樣 坤哥大讚：佢地好專業

坤哥大讚參與MV拍攝的粉絲夠自然又專業！

吳業坤最近忙於為四月舉行的第二次紅館騷《吳業坤小句號演唱會2019》籌備，繼續推出新歌《和懷念說再見》為演唱會造勢，今次是他首次唱舒文和鄧建明合寫的作品，歌曲更搵來20個歌迷合唱，而他早前為該歌曲拍MV，亦邀請了30名歌迷參與演出，他大讚歌迷不論獻聲獻樣，同樣表現專業。

坤哥早為拍攝演唱會海報，不停在馬路走來走去。

早前坤哥出席演唱會記招，都跟粉絲打成一片。

坤哥謂今次希望做一首跟歌迷多些互動的歌，「我同舒文佢哋講咗我嘅諗法，佢哋就寫咗呢首曲風好似有啲似玉置浩二嘅歌，我自己好鍾意，加埋林若寧嘅詞，成個感覺好清新又輕快，好適合今次演唱會。」

坤哥話都係第一次坐雪糕車，感覺相當新鮮。

監製舒文寫好歌已提議坤哥跟歌迷合唱及拍MV，「我喺網上向粉絲公開招募，叫佢哋將啲唱歌嘅聲帶傳畀我，最後揀咗20個，有男有女。至於演出MV就係歌迷會互選出嚟，有啲歌迷都有份唱埋歌，佢哋都好踴躍，最後揀咗30個歌迷一齊拍，今次真係好多謝歌迷咁幫手，呢首歌同歌迷一齊去完成特別有意思。」

30個歌迷跟坤哥齊齊出鏡，為了偶像乜都肯制。

坤歌在MV中要騎住雪糕車周圍去，雖然只是扮揸車，但感覺都好好玩，「我本身冇電單車牌唔揸得，同埋要揸到飛起，當然靠電腦特技，不過原來要扮得似都唔容易。」講到歌迷表現，他大讚他們夠自然又專業，「佢哋唔似未拍過嘢，好專業，個個都唔係太怕醜，可能鍾意得我都係唔多知醜，哈哈！

原來扮風馳電掣一樣有難度，你睇坤哥個樣就知。

由於會加上好多特效，坤哥要對住空氣演戲。

《卡拉O！BABE》返嚟喇！

由新城廣播創作總監及節目主持啤梨（葉文輝）主持的經典節目《卡拉O！BABE》正式回歸並於日前（3月8日）首播，第一日開咪已經有不少驚喜，所有電話線爆晒燈，「鬼王」潘紹聰突然殺入錄音室展歌喉，原來「鬼王」好唱得，驚喜還未完，節目尾聲時，吳業坤「坤哥」扮聽眾打電話到節目，熱鬧到不得了。

啤梨（葉文輝）主持的經典節目《卡拉O！BABE》正式回歸

第一日開咪已有不少驚喜

「鬼王」潘紹聰突然殺入錄音室展歌喉

所有電話線爆晒燈

「鬼王」潘紹聰殺入直播室唱K

啤梨（葉文輝）

聽眾們期待10年的回憶殺《卡拉O！BABE》終於正式回歸，豐富主持經驗的啤梨開咪前也興奮說：「好緊張！一早便返回錄音室做足準備，測試咗好多次收音器材！」十分認真。而好友潘紹聰知道啤梨首播，馬上全力支持，仲罕有在大氣電波顯示歌喉，即席獻唱近期熱爆的《傾城》，更鬼馬地大改歌詞，把其中一句改為「傳說中 痴心的眼淚會『新』城」，笑翻全場。潘紹聰笑言，自己的節目《恐怖熱線》比《卡拉O！BABE》遲一天開播，仍不忙為啤梨做嘉賓：「我聽日（9日）先開波，我今日畀咗你喇！」

吳業坤扮聽眾打電話到啤梨主持的首集《卡拉O！BABE》

進入節目第二部份，錄音室的電話線繼續爆晒燈，一直不斷有聽眾打電話進來想唱歌，但啤梨也沒想到收到意外驚喜。「係咪啤梨？係咪啤梨呀？我係吳業坤！」啤梨當場也呆了兩秒，反問對方：「吳業坤？你真係嗰個吳業坤？」坤哥笑言自己應該早在14年前打通這個電話，自言自己從小就很愛唱K，更即場演唱自己首本名曲《陽光點的歌》，為節目炒熱不少氣氣。可惜，一小時的節目很快便完結，不少聽眾要留在下星期再度點唱，但啤梨在節目後仍細心逐一致電給聽眾們安撫，他說最希望聽眾們每逢週五晚6時至7時，都可以打1834997，「開開心心聽吓歌、唱吓歌」。