*

upload_article_image

30年屋邨髮型屋難捱貴租將結業 熟客婆婆歎:我都要入老人院

真係聞者心酸。

近年有不少屋邨商場小店都因領展加租,不能承擔昂貴的租金而被迫結業!有網民以「頭先剪頭髮聽到老細同個熟客傾計好心酸」為題在連登討論區發帖文,她指髮型屋在屋邨商場內屹立約30年,主要做街坊生意。她分享等待剪髮時,聽到一名熟客婆婆與髮型屋老闆的對話,感到很心酸。 發文者指婆婆是髮型屋的熟客,但家裏沒有人可以照顧她,快要搬進老人院,而老闆就表示因為租金太貴,髮型屋做到9月就會結業。眼見即將離別,老闆就讓婆婆搬進老人院前來髮型屋,「星期幾都冇所謂,我幫妳洗個頭,唔收妳錢!妳幫襯咗咁耐,我都唔捨得妳。」老闆亦安慰婆婆住老人院並非壞事,因有人照顧起居飲食,他更提醒婆婆搬進老人院後要多活動,「妳記住去到要郁多啲呀,唔好剩係瞓喺度。」婆婆聽到對方的話非常高興,向老闆道謝,老闆就回應:「多咩謝呀,我多謝妳就真。」

網民聽到婆婆與老闆的對話感到非常心酸。網上圖片

發文者聽到兩人的對話後,感到非常心酸。她表示得知婆婆不想住老人院,「有仔有女 有住咗好耐嘅屋企」,反問「邊有人想去住老人院 」,而婆婆的女兒來接她時,當老闆提起免費洗頭的事,女兒卻表示「睇下有冇時間帶佢來啦,未必有時間」。

發文者又補充,老闆結業的原因是租金太貴,直言:「做唔住喇」。雖然店鋪12月約滿,但「隔離間補習社傾咗要加40%喇」,直言「你唔加我都未必做得住,你再加租我更加唔駛做,唯有做埋呢幾個月試下揾過個地方。」

發文者最後亦慨嘆「呢個社會真係好悲哀」,雖然屋邨商場已經很殘舊,人流亦不算太多,「但都加(租)40% 真係就算有心做都無奈地要放棄」,但小店做開街坊生意,「於是就愈來愈多有人情味嘅地方要逼住消失」,剩下的都是連鎖店鋪。

帖文引起不少網民熱議,有人指街坊髮型屋結業後會變成連鎖店鋪,「到時淨係會見到好多快剪連鎖店」,有人就話進老人院未必是壞事,「去老人院起碼有人照顧有啲老友記打下牙骹」。